Mamata Ne Khela 'Bangaali Asmita Card', BJP Par Vaar, Bengal Ko Gujarat Naheen Banane Doongi

Breaking »

Mamata Ne Khela 'Bangaali Asmita Card', BJP Par Vaar, Bengal Ko Gujarat Naheen Banane Doongi

Kolkata Pashchim Bengal ki CM mamata Bannerjee ne BJP ke khilaaf apni raajaneetik jang ko ab Bengal banaam Gujarat ki ladaai banaane ki koshish ki hai. Mangalvaar ko mamata ne kaha ki pashchim Bengal ko Gujarat banaane ki koshish ki ja rahi hai, lekin ham aisa naheen hone deinge. Unhonne kaha ki main gujaraatiyon ke khilaaf naheen hoon, lekin Gujarat ke dangaaiyon ke khilaaf hoon. Mamata Bannerjee ne vidyaasaagar ki nai moorti ka kiya anaavaran Yahi naheen CM mamata Bannerjee ne pehli baar maana hai ki soobe mein Loksabha chunaav ke baad raajaneetik hinsa hui hai. Haalaanki unhonne daava kiya ki is hinsa mein BJP ke 2 kaaryakarta hi maare gaye, jabki Trinamool ke 10 kaaryakartaaon ki is hinsa mein maut hui. Yahi naheen mamata Bannerjee ne raajaneetik hinsa ka shikaar hue kaaryakartaaon ke parijanon ko aarthik madad dene ka vaada bhi kiya. Moorti ke saath mamata ne nikaala March Isse pehle mamata Bannerjee ne ishvarachandr vidyaasaagar ki moorti ka anaavaran kiya. Yahi naheen unhonne moorti ke saath prateekaatmak taur par March bhi kiya. Yahi naheen unheen ki maujoodagi mein vidyaasaagar college mein pratima ki sthaapana bhi ki gayi. Mamata ne pratima ki sthaapana ke baad maalyaarpan kiya. Kolkata: West Bengal Chief Minister Mamata Banerjee installs the bust of Ishwar Chandra Vidyasagar and unveils his… https: //t. Co/Syz5nHJd83— ANI (@ANI) 1560245721000 Governor par mamata ka ishaaron mein vaar Pratima ke anaavaran ke baad mamata Bannerjee ne Governor keshareenaath tripaathi par bhi ishaaron mein vaar kiya. Unhonne kaha, 'Main Governor ka sammaan karti hoon, lekin har samvaidhaanik pad ki kuchh seemaaen bhi hoti hain. Bengal ko badnaam kiya ja raha hai. Yadi aap Bengal aur uske kalchar ko bachaana chaahate hain to fir saath aaie. Bengal ko Gujarat banaane ki yojana hai, lekin Bengal Gujarat naheen hai. '

Mamata Ne Khela 'Bangaali Asmita Card', BJP Par Vaar, Bengal Ko Gujarat Naheen Banane Doongi https://www.angrejinews.com/pic/280553