Mamata Gusse Se 'Laal', Chidambaram Se Bhi Naheen Mileen

Breaking »

Mamata Gusse Se 'Laal', Chidambaram Se Bhi Naheen Mileen

Delhi. . Pashchim Bengal ki mukhyamantri mamata Bannerjee yojana aayog office ke baahar left paartiyon ke workers ke pradarshan aur vitt mantri amit mitra se haathaapaai se tamatamaai hui hain. Ghatna ke baad mangalvaar shaam ko unhonne pradhaanamantri Manmohan Singh se apni mulaakaat radd ki to, Budhvaar ko vitt mantri pi Chidambaram se hone waali mulaakaat ko bhi kainsal kar diya. Mamata Budhvaar shaam do baje Kolkata ke liye ravaana hongi. Udhar, is beech mamata Bannerjee ke khilaaf kiye gaye pradarshan par pradhaanamantri Manmohan Singh khed jataaya hai. Mukhyamantri ke kareebi sootron ne Budhvaar ko bataaya ki mamata ke office ne pradhaanamantri ke saath mangalvaar shaam hone waali baithak radd karne ke liye pradhaanamantri office ko phone kiya tha. Iske baad Manmohan ne mamata se baat ki. Mamata ne apne kharaab svaasthya aur blood preshan kam hone ko baithak radd karne ki vajah bataaya. Gaurtalab hai ki esaefaaai ke ek varkar ki maut ko lekar vaamapanthi dalon ne Budhvaar ko mamata ke khilaaf pradarshan kiya tha. Pradarshanakaariyon ne yojana aayog ke office ke baahar raajya ke vitt mantri amit mitra se haathaapaai bhi ki. Vaam sangathanon ke pradarshanakaariyon ka ek samooh aayog ke office ke baahar Trinamool Congress pramukh ka intajaar kar raha tha. Mukhyamantri jab mitra ke saath aayog ke upaadhyaksh montek Singh Ahluwalia se milne pahuncheen to pradarshanakaariyon ne unke khilaaf naare lagaae. Mamata ko police ne salaah di thi ki vah apni car se baahar naheen niklein aur andar chali jaaen, lekin mukhyamantri ne naare laga rahe va takhtiyaan lahara rahe pradarshanakaariyon ke beech se bhavan ke andar jaana pasand kiya. Pradarshanakaariyon ne mitra se haathaapaai ki jismein unka kurta fat gaya. Pradarshanakaari CPM ki chhaatr ikaai esaefaaai ke neta sudeepto gupta ki maut ka virodh kar rahe the.

Mamata Gusse Se 'Laal', Chidambaram Se Bhi Naheen Mileen https://www.angrejinews.com/pic/5068