Mallya Ne Kaha, SBI Britain Mein Kaanooni Ladaai Mein Badi Raashi Kharch Kar Kardaataaon Ka Paisa Barbaad Kar Raha

Breaking »

Mallya Ne Kaha, SBI Britain Mein Kaanooni Ladaai Mein Badi Raashi Kharch Kar Kardaataaon Ka Paisa Barbaad Kar Raha

London Samasyaaon mein fanse sharaab kaarobaari vijay Mallya ne ek baar fir se karj lautaane ki peshakash ki apni baat doharaane ke liye social media ka sahaara liya hai. Unhonne bhaarateeya state bank (SBI) par bhaarateeya kardaataaon ka paisa Britain mein mukadame par barbaad karne ka aarop lagaaya. Britain ke uchch nyaayaalaya ne 63 varsheeya Mallya ke London bank khaate mein pade 260,000 pound jabt karne ke antarim aadesh ko khaarij karne ki apni arji ke naamanjoor hone ke kuchh dinon baad unhonne yeh baat kahi hai. Padhein : Bhagode vijay Mallya ka Modi par nishaana -'Koi ek to jhooth bol raha hai' Mallya ne twitter par likha ki SBI ki aguvaai wala saarvajanik kshetr ke bankon ka samooh galat tareeke se Britain ki adaalaton mein uske peechhe pada hai. Mallya ne shukravaar ko twitter par likha, 'Britain mein SBI ke vakeel bhaarateeya kardaataaon ke paise par mere khilaaf kaanooni ladaai lad rahe hain. Bhaarat mein poori vasooli ki ja chuki hai. Pradhaanamantri dvaara swayam iski pushti ki gayi hai. ' Padhein : UK court se Mallya ko jhatka, pratyarpan ke khilaaf appeal khaarij Usane likha, 'SBI ke vakeel Britain mein bhaarateeya kardaataaon ke paison ke dam par apna naam chamakaane mein lage hain. SBI ko iska uttar dena chaahiye. ' Mallya ne yeh bhi kaha, 'Media sanasaneekhej sheershak pasand karta hai. Aakhir koi soochana ke adhikaar kaanoon ke tahat yeh kyon naheen poochhata ki vakeelon ko diye jaane vaale shulk ke roop mein ve Britain mein mujhse vasooli ke liye kitna paisa kharch kar rahe hain. Jabki mainne Bhaarat mein 100 pratishat paise vaapas karne ki peshakash ki hai. ' Padhein : Jet ka sankat gaharaane par Mallya ne poochha, Bhaarat mein itni jyaada airlines companiyaan kyon fail huin Isse pehle, guruvaar ko Mallya ne pradhaanamantri Narendra Modi ke pichhle maheene ke ek saakshaatkaar ka havaala diya, jismein unhonne daava kiya tha ki sarkaar ne band padi airline ke karj lautaane ke chook maamale mein 14,000 karod rupaye ki sampatti baraamad kar li hai. ' vijay Mallya dhokhaadhadi aur 9,000 karod rupaye ke mani laandring maamale mein Bhaarat mein vaanchhit hain.

Mallya Ne Kaha, SBI Britain Mein Kaanooni Ladaai Mein Badi Raashi Kharch Kar Kardaataaon Ka Paisa Barbaad Kar Raha https://www.angrejinews.com/pic/269021