Mallya Ko Raahat Naheen, Girvi Share Becheinge Bank

Business »

Mallya Ko Raahat Naheen, Girvi Share Becheinge Bank

Mumbai. . Mumbai haai court ne bankon dvaara United spirits ke girvi rakhe sheyaron ki bikri par rok se mangalvaar ko inkaar kar diya. Kingfisher ko karj ke badle bankon ne ye share girvi rakhe hue hain. United brevareej ne sheyaron ki bikri par rok ke liye yaachika daayar ki thi. Adaalat ke is faisale ko vijay Mallya ke liye jhatke ke roop mein dekha ja sakta hai kyonki isse United spirits ki hissedaari diyaajiyo ko bechne ki unki yojana ek tarah se atak jaaegi. Justice S. J. Kaathaavaala ne bankon aur Kingfisher ki Patrick company United brevareej ka paksh sunane ke baad kaha, 'Antarim raahat se inkaar kiya jaata hai. ' adaalat ke is aadesh ka matlab hai ki 17 bankon ka samooh United brevareej (UB) group ki anushangi companiyon ke un sheyaron ko bechne ko aajaad hoga, jinhein 2010 mein ek samjhaute ke tahat girvi rakha gaya tha. Sunavaai ke dauraan bankon ne adaalat ko soochit kiya ki sheyaron ki bikri ki prakriya pehle hi shuroo ho chuki hai. Unke vakeelon ne kaha ki karjadaar dvaara bhugataan naheen kiye jaane ke baad donon pakshon mein samjhaute ke tahat girvi rakhe gaye sheyaron ko bechne ka faisala kiya gaya. Jo bank is samooh ka hissa naheen hain ve to sheyaron ki bikri pehle hi shuroo kar chuke hain. UB group ke vakeel Virendra sarraaf ne samvaadadaataaon ko bataaya ki bankon ne soochit kiya ki UB holdings ki anushangi mangalaur chemicals aind fartilaaijars ke ek karod share pehle hi beche ja chuke hain. Unhonne pehle adaalat ko soochit kiya tha ki United spirits limited aur Kingfisher airlines sahit companiyon ke 23 lakh share karj ke badle girvi rakhe gaye hain. Vijay Mallya ke svaamitv waali UB holdings ne apni yaachika mein aagrah kiya tha ki bankon ko United spirits (yooesael) aur anya companiyon ke share bechne se roka jaae. Inka kul moolya 100 karod rupae hai. SBI ne haal hi mein yooesael ke kuchh share beche the jiske baad company adaalat mein chali gayi. Bankon ke is kadam ko band padi Kingfisher ko fir se khada karne ki yojanaaon ke liye jhatka maana ja raha hai. Iske alaava yah yooesael ki hissedaari diyaajiyo ko bechne ke saude ko poora karne ke liye bhi jhatka hai. Yah sauda 11,000 karod rupaye ka hai aur iski ghoshana November, 2012 mein ki gayi thi.

Mallya Ko Raahat Naheen, Girvi Share Becheinge Bank https://www.angrejinews.com/pic/4216