Maleshiyaai Police Ne Bhaarat Mein Aatanki Hamle Ki Saajish Ko Naakaam Kiya

Breaking »

Maleshiyaai Police Ne Bhaarat Mein Aatanki Hamle Ki Saajish Ko Naakaam Kiya

Kuala Lumpur: Malaysia ki police ne kaha ki aatanki gatividhiyon se jude ek dakshin Asiaee sandigdh ko giraftaar karne ke saath hi chennai aur Bengaluru sthit videshi dootaavaason par hamle ki saajish ko naakaam kar diya gaya hai. police up-mahaanireekshak baakari jinin ne bataaya ki maana ja raha hai ki yeh vyakti chennai aur Bengaluru mein videshi dootaavaason par hamle ki saajish mein shaamil tha. aatankvaad virodhi ikaai ki vishesh shaakha ne is vyakti ko sthaaneeya samayaanusaar subah kareeb 11: 15 baje Kuala Lumpur ke nikat kepong ke ek avaaseeya ilaake se pakada. is vyakti par pichhle saal December se najar rakhi ja rahi thi. Samaachaar patra 'The star' ke anusaar baakari ne kaha, hamein pata chala ki vah aatanki hamle ki saajish mein shaamil tha. Unhonne kaha ki is vyakti par nigraani rakhe jaane ke dauraan mili soochana ko 9 April ko bhaarateeya adhikaariyon ke saath saajha kiya gaya tha. Bhaarat ki kendreeya suraksha agencyon ne saboot ke aadhaar par pichhle maheene daava kiya tha ki Pakistan ki ISI ne Bhaarat mein do videshi dootaavaason par hamla karne ki yojana banaai thi. Chennai mein giraftaar kiye gaye ek shreelankaai naagrik se poochh-taachh mein yeh soochana mili thi. beete 29 April ko Bhaarat mein teen vyaktiyon ko hiraasat mein liya gaya tha aur maana ja raha hai ki aatanki network ke ye bade khilaadi hain. baakari ne kaha, ham is kshetr aur vaishvik star par hamlon ko rokane ke liye doosare deshon ki agencyon ke saath milkar kaam karna jaari rakheinge. Is sandigdh ko aavrajan adhiniyam ke tahat pakada gaya.

Maleshiyaai Police Ne Bhaarat Mein Aatanki Hamle Ki Saajish Ko Naakaam Kiya https://www.angrejinews.com/pic/50719