Maleshiyaai Hockey Ke Janak Sultaan Ajalaan Shaah Ka Nidhan

Breaking »

Maleshiyaai Hockey Ke Janak Sultaan Ajalaan Shaah Ka Nidhan

Kuala Lumpur: maleshiyaai hockey ke janak sultaan ajalaan shaah ka aaj yahaan 86 varsh ki umr mein nidhan ho gaya, jise antararaashtreeya hockey ke liye badi kshati maana ja raha hai. sultaan ajalaan shaah perek ke sultaan the aur unhein maleshiyaai hockey ka janak kaha jaata tha. Unhonne khilaadi aur prashaasak ke roop mein 41 varshon tak is khel ki seva ki. sultaan ajalaan shaah ne yahaan aaj dopahar baad ek bajkar 30 minute par national hurt Institute mein antim saans li. Unka shav kuaala kangasaar mahal mein le jaaya jaaega aur dopahar baad unhein royal mausoliym mein dafnaaya jaaega. sultaan ajalaan shaah khel premi the aur unhein hockey se vishesh lagaav tha. Yahi vajah thi unhonne 1983 mein sultaan ajalaan shaah cup hockey toonaarameint ki shuruaat ki thi. Yeh tournament pehle pratyek do saal mein aayojit kiya jaata tha, lekin 1998 ke baad iska har varsh aayojan kiya jaane laga. Iski mejabaani perek ki rajdhani ipoh karti hai. apne schooli dinon mein hockey khelne vaale sultaan ajalaan shaah baad mein perek ki taraf se bhi khele. Unhein 1973 mein maleshiyaai hockey mahaasangh (ab maleshiyaai hockey parisangh) ka upaadhyaksh chuna gaya. Unki aguvaai mein Malaysia ne 1975 or 2002 mein vishv cup hockey ka aayojan kiya. Sultaan ajalaan shaah ko 1997 mein Asiaee hockey mahaasangh ka adhyaksh chuna gaya aur vah vartamaan samay tak is pad par kaabij the. Sultaan ajalaan shaah 1992 mein antararaashtreeya hockey mahaasangh ke upaadhyaksh bhi bane the aur do kaaryakaal tak is pad par rahe.

Maleshiyaai Hockey Ke Janak Sultaan Ajalaan Shaah Ka Nidhan https://www.angrejinews.com/pic/52027