Makar Sankraanti . . . Aur Jab Kaaryakartaaon Ke Saath Amit Shaah Ne Udaai Patang

Breaking »

Makar Sankraanti . . . Aur Jab Kaaryakartaaon Ke Saath Amit Shaah Ne Udaai Patang

Ahmedabad Desh bhar mein makar sankraanti ka parv bade dhoom-dhaam se manaaya ja raha hai. Is dauraan BJP ke raashtreeya adhyaksh amit shaah bhi tyohaar ke rang mein range dikhaai diye. Ahmedabad mein aagaami Loksabha chunaavon ke maddenajar kaaryakartaaon ko ekajut karne ke uddeshya se Gujarat pahunche shaah ne yahaan khoob patangabaaji ki. Ek vidiyo mein shaah party kaaryakartaaon ke saath patang udaate dikhaai de rahe hain. Ahmedabad ke nava vadaaj mein patang udaate shaah ka yeh vidiyo social media par vaayaral ho raha hai. Lage 'Bhaarat maata ki jaya' ke naarepatangabaaji ke dauraan amit shaah ke saath bhaari maatra mein party kaaryakarta bhi maujood hain. Vaayaral vidiyo mein patang udaate shaah ke saath maujood kaaryakarta Bhaarat maata ki jaya ke naare laga rahe hain. Bata dein ki Gujarat ki sabhi 26 Loksabha seatein jeetne ke liye BJP apna poora jor laga rahi hai. Raajya ke pichhle vidhaanasabha chunaav mein Congress se kadi takkar milne ke baad se BJP adhyaksh kaafi satark ho gaye hain. Isi ke maddenajar amit shaah party kaaryakartaaon ko ekajut karne ke uddeshya se Gujarat pahunche hain. Yahaan dekhein vidiyo- #WATCH: BJP President Amit Shah flies a kite in Nava Vadaj, Ahmedabad on #MakarSankranti. #Gujarat. Https: //t. Co/fpgiD064D5— ANI (@ANI) 1547464173000 Isliye khaas hai makar sankraanti Gaurtalab hai ki makar sankraanti ka parv patangon ka tyohaar maana jaata hai. Soorya ke makar raashi mein pravesh karne ke baad deshbhar mein makar sankraanti manaai jaati hai. Har saal iski taareekh 14 ya 15 January hoti hai. Is avsar par log ganga snaan karte hain aur Bhagwan soorya ki araadhana karte hain. Isi din se prayaagaraaj mein maagh mele ki shuruaat hoti hai. Jahaan ek maheene tak ganga ki reti par shraddhaalu tapasvi wala jeevan jeete hain aur har roj ganga snaan karte hain. Sankraanti par desh bhar mein patange udaane ka bhi rivaaj hai. Is din aasmaan rang-birange patangon se bhara hua dikhaai deta hai.

Makar Sankraanti . . . Aur Jab Kaaryakartaaon Ke Saath Amit Shaah Ne Udaai Patang https://www.angrejinews.com/pic/247765