Mainne Jo Kiya, Usaka Pachhataava Hai Praveen

Cricket » Tuesday, March 26, 2013

agencyan . Nai Delhi corporate trophy ke dauraan apne bure bartaav ke baad BCCI dvaara suspend kiye jaane ka Bhaarat ke meediym pesar praveen Kumar ko kaafi pachhataava hai aur unhonne bhavishya mein aisa naheen karne ki thaani hai. Praveen ko jab is ghatna ki yaad dilaai gayi to unhonne kaha, 'Yah meri galati thi. Yah ghatna naheen honi chaahiye thi. Mujhe ab iska pachhataava hai. Mainne ab gusse par kaaboo karna seekh liya hai. Maidaan mein apni bhaavanaaon ko vyakt karte hue mujhe chaukas rahane ki jaroorat hai. Kabhi -kabhi aisa ho jaata hai, jab cheejein aapke hisaab se naheen hoti. Main is ghatna ko bhulaakar aage badh gaya hoon, kyonki ab yah ghatna mere liye itihaas ban gayi hai. Yah dobaara naheen hogi. ' 26 varsheeya praveen Kumar aagaami IPL mein kings eleven Punjab ke liye kheleinge. Praveen ne kaha, 'Uttar pradesh team ke chaar-paanch saathi mere saath hain, jo hamesha mujhe yah bataate rahate hain kya sahi hai, kya galat. Sudeep tyaagi, tanmaya shreevaastav aur suresh raina ke saath ghar jaisa maahaul rahata hai aur unki salaah ne hamesha meri kaafi madad ki hai. Devadhar trophy aur Sayyed Mushtaq Ali twenty-20 trophy ke central jon ke mukaabalon mein achhe pradarshan se mujhe IPL ke aagaami chhathe satr mein achha pradarshan karne mein madad milegi. Main tournament mein achha khel raha hoon aur isse IPL mein mujhe madad milegi. ' praveen ne Sunday ko railway ke khilaaf 22 run dekar teen wicket chataka kar uttar pradesh ko chhah wicket se jeet dilaane mein aham rol ada kiya