Main Thoda Andhavishvaasi Hoon Sachin Tendulkar

Cricket »

Main Thoda Andhavishvaasi Hoon Sachin Tendulkar

Mumbai. . Mumbai Indians ke aaikan khilaadi sachin Tendulkar ne yah baat maani hai ki vah thode se andhavishvaasi hainsh. Sachin ne kaha ki IPL-6 mein vah khud ke liye koi lakshya tay naheen karna chaahate kyonki is baar vah apna pehla IPL khitaab jeetne par najar lagaae hue hain. Tendulkar ne kaha, 'Main khud ke liye lakshya tay naheen karna chaahata, agar main lakshya banaaunga bhi to main inhein khud tak seemit rakhoonga. Main thoda sa andhavishvaasi hoon. ' unhonne yahaan ek kaaryakram ke dauraan 'Times naau' se kaha, 'Team ka lakshya tournament jeetna hai, ham sabhi bhi yahi chaahate hain. Mumbai Indians ke prashansakon ke liye yah shaanadaar tohafa hoga. Main hamesha se khitaab jeetna chaahata tha. Ham maidaan mein apna sarvashreshth pradarshan kar jeet darj karne ke liye jaate hain, baaki sab Bhagwan ke haath mein hai. ' Tendulkar is IPL satr mein poorv Australiaee kaptaan Ricky ponting ki kaptaani mein kheleinge. Unhonne kaha ki team tournament ke liye taiyaar hai aur traafi jeetne ke liye sarvashreshth pradarshan karegi. Tendulkar ne kaha, 'Pichhle seejans mein bhi ham hamesha se hi tournament jeetna chaahate the, lekin aisa naheen ho saka. Ham ek do baar iske kareeb bhi pahunche the, jab humne semifinal tak mein jagah bana li thi. Main Mumbai Indians team aur khilaadiyon ki or se yah vaada karna chaahata hoon ki hari pratibaddhata, samarpan aur dhyaan khitaab jeetne par laga hoga. ' unhonne kaha, 'Koi bhi parinaam ki guaranty naheen le sakta, lekin ham pratibaddhata ki guaranty le sakte hain. Ham poori tarah pratibaddh honge aur hamein vaise hi samarthan ki ummeed hogi jaisa hamein pichhle paanch varshon mein mila hai. Is tarah ka samarthan milna shaanadaar hota hai jisse hamein bataur team apna sarvashreshth karne mein madad milti hai. ' Mumbai Indians ki team IPL 2013 mein apne abhiyaan ki shurooaat chaar April ko Bengaluru mein royal Challengers Bengaluru ke khilaaf karegi.

Main Thoda Andhavishvaasi Hoon Sachin Tendulkar https://www.angrejinews.com/pic/3693