Main Chaahoon To Baarish Karva Sakta Hoon Aasaaram

Breaking »

Main Chaahoon To Baarish Karva Sakta Hoon  Aasaaram

Nai Delhi. . Ek taraf Gujarat ke Saurashtra ka poora ilaaka bheeshan sookhe ki chapet mein hai. Kai gaanvon mein mahilaaon ko peene ke paani ke liye 5-5 kilometer tak paidal chalana padta hai. Paani ki kami jhel rahe kuchh gaanvon ke kunvaaron ki shaadi tak naheen ho rahi hai. Vaheen doosari taraf khud ko sant kehne vaale Aasaaram Bapu ne holi ke bahaane jamkar paani bahaaya. Na sirf paani bahaaya balki paani ki barbaadi par poochhe gaye savaal par unhonne kaha ki paani kisi ke baap ka naheen hai. Itna hi naheen, vah ghamand mein choor ho gaye hain. Unhonne Bhagwan ko yaar kehkar sambodhit kiya aur yahaan tak kah diya ki jahaan bhi sookha pada hota hai, ham paani barsa dete hain. News channel 'Aaj tak' ke mutaabik, Gujarat mein apne bhak‍aaton ke saath holi manaate hue Aasaaram ne besharmi ki saari seemaaen laangh Dean. Aasaaram media ne meediyaavaalon ki tulana kutton se kar di. Vah yaheen chup naheen baithein. Unhonne kaha ki ham kisi sarkaar ke baap se paani naheen lete. Gaurtalab hai ki 40 saal ke sabse bheeshan sookhe se sangharsh kar rahe Maharashtra ki sarkaar ne tathaakathit is sant se sirf itna kaha tha ki mahaaraaj log pyaas se mar rahe hain aap holi ke naam par paani aise mat bahaaie aur paani dene se mana kar diya tha. Is par Aasaaram ka paara chadh gaya tha. Unhonne aadhyaatmik sant ki parampara ko taak par rakh kar ek sadkachhaap ki tarah vyavahaar kiya. Media par nishaana saadhane ke dauraan apne aap ko Bapu kehte hue Aasaaram kehte hain ki Bapu moong dal rahe hain aur kutte (media) bhaunk rahe hain. Itna hi naheen Gujarat aur Maharashtra ke sookhe ko najaraandaaj karte hue Aasaaram kehte hain ki Bhagwan hamaare saath hai main to dil khol ke rang barasaaoonga. Yahi naheen aastha ke naam par Aasaaram ne is praakrutik aapada (khilli) ki sareaam khilli udaai. Unhonne Bhagwan ko apna yaar bata daala. Aisa lag raha tha ki ishvar unka langotiya ho. Unhonne kaha ham to yaar ke paani se rang barasaate hain. Jahaan bhi sookha pada hota hai ham paani barasaava dete hain.

Main Chaahoon To Baarish Karva Sakta Hoon Aasaaram https://www.angrejinews.com/pic/3654