Maijistret Report Ko Supreme Court Ne Bataaya Raddi

India »

Maijistret Report Ko Supreme Court Ne Bataaya Raddi

. . . . . . . . . . . . . . . . . . . . . . . . . . . . . Punjab ke taran taaran mein yuvati ke saath hui maarapeet ke maamale mein maijistret ki report ko Supreme court ne khaarij kar diya hai. 3 March , 2013 ko mahila ke saath pablik ke saamane ki gayi maarapeet se jude is maamale mein maijistret ki report court ke saamane pesh ki gayi thi. Adaalat ne nirdesh diya ki mahila ko suraksha di jaae. Emiks kyoori hareesh saalve ne report ko stabdh karne vaala bataaya. Adaalat ne kaha ki report asveekaar ki jaati hai. Yah gumaraah karne waali hai aur ismein galat tathya hain. Yah dastabeen mein feinkane vaale raddi se jyaada kuchh naheen hai. Adaalat ne ghatna ki shikaar ladki ko suraksha dene ka nirdesh diya. Chandigarh prashaasan ke sekretari ko use paryaapt suraksha muhaiya karaane ka nirdesh diya. Report mein kaha gaya tha ki laathi chaarj to hota hi rahata hai. Adaalat ne raajya sarkaar ko chetaavani dete huye kaha ki yadi raajya mein is tarah ki ghatna dobaara hui to kada jurmaana lagaaya jaayega. Adaalat ne kaha ki kya aap sharminda naheen hote hain jab police ek mahila ki pitaai kar rahi hoti hai aur fir police mahaanideshak is ghatna ki jaanch karaaye bagair hi kaarravaai ko sahi thaharaate hain. Adishnal solicitor general siddhaarth loothara ne report ke havaale se bataaya ki ladki ne asamvaidhaanik bhaasha ka istemaal kiya tha , jise court ne khaarij kar diya. Supreme court ke Justice ji . S . Singhavi ki aguvaai waali bench ne kaha ki desh bhar mein baar - baar is tarah ki ghatnaaen ho rahi hain. Gaurtalab hai ki police ne mahila aur uske pita ke saath kathit taur par maarapeet ki thi. Isse pehle mahila ne taxi driver dvaara chhedchhaad kiye jaane ke maamale mein police se shikaayat ki thi. Baad mein taxi driver ko giraftaar kar liya gaya tha. Is maamale mein maijistret ne apni report di thi. Court ne raajya sarkaar ko nirdesh diya ki vah is maamale mein doshi police adhikaariyon ke khilaaf kada jurmaana lagaaen.

Maijistret Report Ko Supreme Court Ne Bataaya Raddi https://www.angrejinews.com/pic/4534