Mahila, Uske Beton Aur 2 Anya Ko Bheja Gaya Jail

India »

Mahila, Uske Beton Aur 2 Anya Ko Bheja Gaya Jail

ek samvaadadaata . Sahaaranapur bete ko naukri dilaane ke liye tower par chadhi mahila aur uske beton ke khilaaf maamala darj kar unhein jail bhej diya gaya hai. Bata dein ki mahila ka pati ek pepar mil mein kaam karta tha. Usaki maut ke baad usaki jagah par aashrit kote se uske bete ko asthaayi taur par naukri di gayi thi. Baad mein company ne mahila ke bete ko naukri se hata diya. Mahila bete ki naukri aur pati ke fund ki rakam ki maang karte hue tower par chadh gayi thi. Baad mein donon pakshon ke beech samjhauta ho gaya aur mahila 36 ghante ke baad tower se utar gayi. Iske baad thaana sadar baajaar ke upanireekshak chhote laal Yadav ne mahila aur uske beton samet 5 logon ke khilaaf report darj kara di. Police ne dhaara 309 aur 120bi ke tahat kaarravaai karte hue mahila, uske donon beton samet 5 logon ko giraftaar kar jail bhej diya. Sahaaranapur ke upper jilaadhikaari prashaasan chandrabhooshan tripaathi ne bataaya ki ab jo bhi apni maango ko lekar tower par chadhega, uske khilaaf mukadama darj karke use jail bheja jaaega. Saath hi sabhi taavaron ki companiyon ko kaarravaai se sambandhit board lagaane ke nirdesh bhi diye gaye hain.

Mahila, Uske Beton Aur 2 Anya Ko Bheja Gaya Jail https://www.angrejinews.com/pic/4617