Mahila Twenty-20 Bhaarat Ne Series Par Kiya Kabja

Cricket »

Mahila Twenty-20 Bhaarat Ne Series Par Kiya Kabja

vadodara. . Bhaarat ki mahila team ne anushaasit boling ke dam par Bangladesh ko guruvaar ko yahaan doosare twenty-20 match mein saat wicket se haraakar lagaataar doosari jeet ke saath 2-0 ki badhat lekar teen maichon ki series par kabja kar liya. Ab is series ke teesara aur aakhiri match mein mahaj aupachaarikta hi baaki rah gayi hai. Bangladesh ne toss jeet kar pehle batting karte hue nirdhaarit 20 over mein chaar wicket par keval 88 run kahi bana saki. Bhaarat ne do over ke baaki rahate teen wicket khokar 91 run banaakar aasaani se match jeet liya. Opener anagha deshapaande (28) aur mona mesharaam (29) ki salaami jodi ne 10.3 over mein 52 run jod kar Bhaarat ki jeet ki neenv rakhi. Captain Harmanpreet Kaur (11) aur poonam Raut (18) ne chauthe wicket ke liye 28 run ki asamaapt bhaageedaari kar Bhaarat ko jeet dilaakar hi dam liya. Pesar panna ghosh (2/18) Bangladesh ki sabse kaamayaab bolar raheen. Bhaarat ki bowleron ne shuroo se hi dabadaba banaate hue Bangladesh ki opanars ko khul kar khelne ka mauka hi naheen diya. Shahanaaj paraveen (15) aur farajaana hak (23) ne dheema aagaaj kar Bangladesh ke liye pehle wicket ke liye 9.3 over mein mahaj 30 run jode. Shukanataara Rahman ne haalaanki do chhakke jamaakar 25 geind mein 27 run ki paari khelkar Bangladesh ke score ko badhaane ki koshish ki. Bangladesh ki captain Salma khaatoon 16 run bana kar not-out raheen. Pesar N neeranjana (1/14) aur left aarm spinner ekta bisht (1/11) Bhaarat ki kaamayaab bolar raheen Bangladesh ki do khilaadi ranaaaut huin.

Mahila Twenty-20 Bhaarat Ne Series Par Kiya Kabja https://www.angrejinews.com/pic/4460