Mahila Sashaktikran Ke Liye Desh Ko Khelon Mein Kaafi Kuchh Karna Chaahiye Saaniya

Sports »

Mahila Sashaktikran Ke Liye Desh Ko Khelon Mein Kaafi Kuchh Karna Chaahiye Saaniya

Nai Delhi Sheersh tennis star saaniya mirja ne shanivaar ko kaha ki khelon mein mahilaaon ko purushon ki baraabari par laane ke liye Bhaarat ko ab bhi kaafi kuchh karne ki jaroorat hai. Haalaanki is pahaloo par desh ne kaafi kaam kiya hai. Yugal aur mishrit yugal mein grand slam khitaab jeetne waali Bhaarat ki pehli mahila tennis khilaadi saaniya ne kaha ki MC meri com, saaina Nehwal aur PV sindhu jaisi khilaadiyon ne desh ko gauravaanvit kiya hai lekin ab bhi khelon mein bhedabhaav hota hai. Saaniya ne kaha, 'Aaj ham kam se kam 10 superstar mahila khilaadiyon ka naam gina sakte hain. Jaise- saaina Nehwal, PV sindhu, meri com, deepa karmakaar aur saakshi malik. Lekin 10 saal pehle aisa naheen kar sakte the. Isliye humne khelon mein mahila sashaktikran ke maamale mein kaafi lamba safar tay kiya hai lekin ab bhi khelon mein mahilaaon ke liye kaafi kuchh kiye jaane ki jaroorat hai. ' FICCI mahila sanstha ke 35vein saalaana satr ke dauraan 'Vimin sheping the future' par panel charcha mein saaniya ne kaha, 'Jahaan tak ham mahilaaon ke sashaktikran aur purushon ke saath baraabari ki baat karte hain, to mujhe lagta hai ki ham ab bhi purushon ke dabadabe waali duniya mein rahate hain. ' Unhonne kaha, 'Main lambe samay se kah rahi hoon ki mahilaaon ko purushon ke baraabari inaami raashi di jaani chaahiye. Yeh bhedabhaav poori duniya mein sabhi khelon mein hai. Mera savaal hai ki hamein yeh samajhaane ki jaroorat kyon hai ki hamein purushon ke baraabar puraskaar raashi di jaani chaahiye. Main aisa din chaahati hoon ki jab hamein ise samajhaane ki jaroorat hi naheen pade. '

Mahila Sashaktikran Ke Liye Desh Ko Khelon Mein Kaafi Kuchh Karna Chaahiye Saaniya https://www.angrejinews.com/pic/267725