Maharashtra Mein Bhaajapa Ka Chehara The Gopeenaath Munde

Breaking »

Maharashtra Mein Bhaajapa Ka Chehara The Gopeenaath Munde

File photo File photo Mumbai: saadhaaran kisaan parivaar se uthakar keindreeya graameen vikaas mantri tak ka safar tay karne vaale gopeenaath munde ne raajya mein anya dalon ke saath pul ka kaam kiya aur apne saale pramod mahaajan ke nidhan ke baad vah Maharashtra mein bhaajapa ke sabse kaddaavar neta ban gaye the. Maharashtra bhaajapa mein vah tab tak sheersh par bane rahe, jab tak ki unke poorv mantrimandaleeya kanishth sahayogi (1994-99) nitin gadkari 2009 mein bhaajapa ke raashtreeya adhyaksh naheen ban gaye. Maharashtra ke pichhde ilaake, beed jile ke paraali mein ek madhyavargeeya kisaan parivaar ke paanch bachchon mein se teesare number ke munde ne ek maamooli sarkaari school mein padhaai ki thi, jahaan kakshaaen ped ke neeche chalti theen. Uske baad unhonne jilaastareeya haaiskool mein daakhila liya aur baad mein anbejogai mein ek college se snaatak ki upaadhi haasil ki. college ke dinon mein munde ki mulaakaat mrudubhaashi pramod mahaajan se hui, jinhonne munde ko akhil bhaarateeya vidyaarthi parishad se judne ke liye protsaahit kiya. Baad mein 1975-1977 ke aapaatakaal ke dauraan vah lagbhag teen varsh tak RSS ke kaaryakarta ke roop mein jail mein rahe. munde ki raajaneetik shuruaat tab hui, jab unhonne Pune mein raashtreeya swayamsevak sangh ke prashikshan shivir mein hissa liya aur uske baad RSS ki Pune ikaai ki kaaryakaari samiti ke sadasya ban gaye. 1980 tak janta party gathabandhan tootane ke kagaar par tha, aur poorv bhaarateeya janasangh ke sthaan par bhaajapa ka udaya ho raha tha. usi varsh munde ko bhaarateeya janta party yuva morcha ki raajya ikaai ka adhyaksh bana diya gaya aur vah Maharashtra mein vidhaayak bhi nirvaachit ho gaye. munde ki mahaajan se dosti us samay paarivaarik rishte mein badal gayi, jab unhonne mahaajan ki bahan praadanya mahaajan se shaadi ki. Donon se teen betiya hain, jismein pankaja munde-palave raajya vidhaanasabha ki sadasya hain, jo apne gruh kshetr paraali se nirvaachit hui hain. raajya mein Shiv sena-bhaajapa vipakshi gathabandhan mein vidhaayak ke roop mein kaam karne ke baad munde December 1991 mein vidhaanasabha mein neta pratipaksh ban gaye. Vah March 1995 tak is pad par rahe. usi varsh baad mein Maharashtra vidhaanasabha ka chunaav hua aur bhagava gathabandhan ne raajya mein jeet darj karaai, aur sharad Pawar ke netrutv waali avibhaajit Congress ki raajya sarkaar satta se bedakhal ho gayi. Shiv sena ke manohar Joshi raajya ke mukhyamantri bane, to munde upamukhyamantri aur gruhamantri banaae gaye. Lekin 1999 ke chunaav mein yeh gathabandhan dobaara jeet haasil naheen kar paaya. raajya ke gruhamantri ke roop mein unka kaaryakaal yaad kiya jaata hai, kyonki unhonne Mumbai police aur Maharashtra police ko maafiyaaon ke khaatme ke liye poori chhoot di aur police ne kai saare maafiyaaon ka safaaya kar diya. Chhoot paane ke baad kai saamaanya policekarmi bhi Mumbai, thaane, Pune, Nagpur aur anya sthaanon par enakaauntar visheshagya ban gaye aur unhonne kai saare gundon ko maar giraaya. 2006 mein mahaajan ki maut ke baad munde Maharashtra ke sarvaadhik varishth netaaon mein shumaar hue. Lekin 2009 mein party adhyaksh ki kursi haasil kar gadkari ne unhein peechhe chhod diya. Lekin uske baad munde ko Loksabha mein vipaksh ka upaneta banaaya gaya. kuchh bhi ho munde-gadkari ke beech party raajaneeti mein ek nishpaksh kaamkaaji rishta kaayam tha. Lekin mangalvaar subah munde ke traasad nidhan ki khabar se sab hataprabh rah gaye. haal hi mein sampann hue Loksabha chunaav mein bhaajapa netrutv vaale raajag ko aitihaasik jeet haasil hui to munde aur gadkari, donon ko pradhaanamantri Narendra Modi ke netrutv waali kendra sarkaar mein mantri banaaya gaya. yahi naheen is baar Loksabha chunaav mein munde ki bhateeji, yaani pramod mahaajan ki putri poonam mahaajan-Rao ne bhi Mumbai se jeet darj karaai. Unke bhaai Rahul mahaajan television se jude hue hain. munde Maharashtra ke pichhde maraathavaada kshetr ke doosare jan neta hain, jinki asamaya maut hui hai.

Maharashtra Mein Bhaajapa Ka Chehara The Gopeenaath Munde https://www.angrejinews.com/pic/52639