Maharashtra Mein Balaatkaar Ke Baad Teen Bahanon Ki Hatya

Breaking »

Maharashtra Mein Balaatkaar Ke Baad Teen Bahanon Ki Hatya

Nagpur: Maharashtra ke bhandaara jile mein teen bahanon ke saath kathit balaatkaar aur unki hatya hone ka ek maamala prakaash mein aaya hai. Police ne mangalvaar ko bataaya ki yah maamala jile ke muravaadi gaanv ki hai. In sabhi ladkiyon ki umr 11 saal se kam hai aur ye teenon 14 February se laapata theen. Unhein gaanv ke ek kuen mein 16 February ko paaya gaya aur unke parivaar ke sadasyon ne is silsile mein agale din ek shikaayat darj karaai. Police ne bataaya ki unhonne shurooaat mein ise durghatanaavash hui maut ke maamale ke roop mein darj kiya tha par kal hue postmortem mein yaun shoshan aur hatya ki pushti hui. Unhonne bataaya ki agyaat logon ke khilaaf IPC ki vibhinn dhaaraaon ke tahat ek maamala darj kiya gaya hai. Is beech, raakaampa ke varishth neta evam keindreeya mantri prafull Patel ne is ghatna ki aaj gahan jaanch karaae jaane aur tvarit adaalat mein mukadama chalaae jaane ki maang ki.

Maharashtra Mein Balaatkaar Ke Baad Teen Bahanon Ki Hatya https://www.angrejinews.com/pic/2322