Maharashtra Medal Ki Daud Mein Aage, Delhi Aur Haryana Doosare Tatha Teesare Sthaan Par

Sports »

Maharashtra Medal Ki Daud Mein Aage, Delhi Aur Haryana Doosare Tatha Teesare Sthaan Par

Pune Mejabaan Maharashtra khelo India yooth gems-2019 ke teesare din shukravaar ko kul 32 gold ke saath medal taalika mein pehle sthaan par pahunch gaya. Maharashtra ke ab tak kul 91 medal ho gaye hain jinmein se 32 gold, 24 silver aur 35 braunj medal shaamil hain. Delhi 24 gold, 17 silver aur 20 braunj medalon ke saath doosare jabki Haryana 18 gold, 20 silver aur 26 braunj medal lekar teesare sthaan par hai. Maharashtra ne ethaletiks mein saat gold jeete hain. Tairaaki aur kushti mein usane teen-teen gold medal par kabja jamaaya jabki judo aur bharottolan mein uske hisse do-do gold aae. Delhi ko tairaaki mein chaar gold medal mile jabki joodoko mein uske hisse teen sone ke tamage aae. Nishaanebaaji mein ek bada ulatafer dekhne ko mila jahaan dhanush shreekaant ne do baar ke junior vishv cup braunj medal vijeta Punjab ke arjun baabuta ko haraakar purushon ki under-21 mein 10 meter air rifle spardha mein gold medal jeeta. Tamil Nadu ke baalaakumaar nitin ne Shiv chhatrapati shivaaji spotars complex ethaletiks stadium mein purushon ki under-21 mein 100 meter spardha mein apne sarvashreshth score ki baraabari ki. Nitin ne 10.76 second ka samay nikaala. Chaar anya dhaavak unase 11 second peechhe rahe. Karnataka ke prajval mandaana ne shuru mein badhat le li jise vah ganva baithe aur unhein silver medal se santosh karna pada. Ladkon ke under-17 mein nisaar Ahmad ne 100 meter ka khitaab jeeta. Unhonne 10.96 second ka samay nikaalate hue jeet haasil ki. Delhi ke anshul ne silver medal jeeta to vaheen Andhra pradesh ke bharat Yadav ne braunj medal haasil kiya. Karnataka ki eti daaneshvari ne maadaali supriya ko ek baar fir haraakar under-21 ladkiyon ke varg mein 100 meter daud jeeti. Daaneshvari ne 11.99 second ke saath pehla sthaan paaya. Tairaaki mein Delhi ki tairaakon ka bolabaala raha. Delhi ne shukravaar ko daanv par lage 11 gold mein se chaar apne naam kiye jabki Karnataka aur Maharashtra ne teen-teen gold jeete. Tamil Nadu ko ek gold mila. Kushti mein Haryana ne khelon ke teesare din bhi apna dabadaba kaayam rakha. Uske pahalavaan ab tak kul 11 gold jeet chuke vahain. Shukravaar ko in pahalavaanon ne apne khaate mein paanch gold, chhah silver aur chaar braunj medal daale. Manipur ne bhaarottolan mein apna dabadaba kaayam rakha aur do gold apne naam kiye lekin mejabaan Maharashtra ne sabko chaunkaate hue itne hi medal apne naam kar apni sthiti majaboot ki.

Maharashtra Medal Ki Daud Mein Aage, Delhi Aur Haryana Doosare Tatha Teesare Sthaan Par https://www.angrejinews.com/pic/247223