Maharashtra Ek Saal Mein Badhe 17 Hajaar Teebi Ke Mareej

Breaking »

Maharashtra Ek Saal Mein Badhe 17 Hajaar Teebi Ke Mareej

Mumbai Teebi niyantran ko lekar kiye ja rahe Maharashtra sarkaar ke tamaam daavon ke baavajood raajya mein teebi mareejon ki sankhya mein bhaari badhotri dekhne ko mil rahi hai. Aankadon ke anusaar, pichhle ek saal mein raajya mein teebi ke nae maamalon mein 17 hajaar ki badhotri hui hai. Ismein drag rajisteint yaani teebi ke khatarnaak maamale bhi shaamil hain. Haalaanki teebi ke badhte mareejon ko lekar prashaasan ek alag hi tark de raha hai. Prashaasan ki maanein to jaanch prakiya aur raajya sarkaar dvaara teebi mareejon ki pehchaan jaldi karne ko lekar shuroo hui pahal ke kaaran teebi ke chhipe maamale saamane aa rahe hain. Teebi ek sankraamak beemaari hai, jo hava ke jariye ek se doosare mein failati hai. Beemaari ki gambheerta ko dekhte hue kendra sarkaar ne sabhi aspataalon aur private practice karne vaale svaasthya kshetr se jude doosare logon ko mareejon ko notifaai karne ka nirdesh diya hai. Haal hi mein deshbhar mein teebi mareejon ko lekar sansad mein ek aankada pesh kiya gaya, jiske mutaabik 2017 mein Maharashtra mein uparokt beemaari ke 1,92,458 maamale saamane aae the, jo 2018 mein takareeban 17 badhkar 2,09,574 ho gaye. Mareejon ki sankhya ke aadhaar par uttar pradesh ke baad Maharashtra ka number hai. 'Desh ke kone-kone se aate hain mareej' Mareejon ki badhti sankhya ko lekar jab enabeeti ne svaasthya vibhaag se baat ki to adhikaariyon ne bataaya ki teebi ke ilaaj ko lekar Mumbai poore desh mein jaana jaata hai. Yahaan ke behatareen upachaar ke liye desh ke kone-kone se log aate hain. Maamalon mein badhotri sambhavat: Doosare raajyon se yahaan upachaar ke liye aane vaale mareejon ki sankhya ke kaaran hai. "Raajya mein jaanch aur upachaar ke liye upalabdh behtar suvidha ke kaaran deshbhar se teebi ke mareej yahaan ilaaj ke liye aate hain. Yahi kaaran hai ki mareejon ki sankhya mein itni badhotri dikh rahi hai. "-anoop Kumar Yadav, commissioner helth, Maharashtra 20 din mein mile 2100 mareej Maharashtra ke helth commissioner anoop Kumar Yadav ne kaha ki private aspataalon mein upachaar ke liye jaane vaale teebi mareejon ko notifaai karne ki shuruaat humne sabse pehle ki thi. Vaheen pichhle kuchh maheenon mein teebi mareejon ki pehchaan aur upachaar ke liye kendra sarkaar ne bhi kai tarah ki skeemon ki shuruaat ki hai. Teebi ke chhipe maamalon ki pehchaan ke liye har saal ham teen vishesh drive chalaate hain. Is saal April mein chalaae gaye is vishesh drive ke antargat humne 20 din mein raajyabhar mein teebi ke 2100 chhipe maamalon ki pehchaan ki hai. Ye mareej teebi ke saath ji rahe the, haalaanki unhein is baat ka pata hi naheen tha. Vishv teebi diwas: Bhaarat mein hain duniya ke 24% teebi peshantsaX.

Maharashtra Ek Saal Mein Badhe 17 Hajaar Teebi Ke Mareej https://www.angrejinews.com/pic/283311