Maharashtra Dhuliya Danga Maamalon Mein 6 Policekarmi Giraftaar

Breaking » Friday, February 8, 2013

Mumbai: Maharashtra ke dhuliya danga maamale mein sarkaar ke aadesh ke baad chhah policekarmiyon ko giraftaar kiya gaya hai. Dhuliya mein hue dangon mein chhah logon ki maut ho gayi thi tatha 200 anya log ghaayal ho gaye the. Kaha ja raha hai ki dangon ke baad pulisvaale bhi tod-fod aur aagajani mein shaamil the. Gaurtalab hai ki Maharashtra ke dhuliya mein 6 January ko do samudaayon mein sangharsh ke baad bheed par police ki goleebaari mein chhah logon ki maut ho gayi jabki 200 anya ghaayal ho gaye jinmein adhiktar policekarmi the. Ek hotel mein chhoti-moti baat ko lekar hinsa shuroo ho gayi jo maachibaajaar aur Madhavpura ilaake mein fail gayi thi. Adhikaari ne kaha tha ki sangharsh ki vajah chaar logon ke samooh dvaara hotel ke bill ka bhugataan naheen karna hai. Jab hotel ke karmachaariyon ne unhein peet diya tab ve chale gaye aur badi sankhya mein logon ko lekar aae