Maharashtra Bas Nadi Mein Giri, 37 Ki Maut

India » Tuesday, March 26, 2013

Mumbai . . Maharashtra ke konkan ilaake ke ratnaagiri jile mein ek private bas ke nadi mein gir jaane se 37 logon ki maut ho gayi. Is haadase mein 20 se jyaada log ghaayal ho gaye. Bas Goa se Mumbai ja rahi thi. Sootron ke mutaabik, ghaayalon mein kai logon ki haalat gambhir bani hui hai. Raahat aur bachaav ka kaam jaari hai. Ghaayalon ko najadeek ke aspataal mein bharti karaaya gaya hai. Is haadase mein kuchh videshi naagrik bhi shaamil hain. Abhi in logon ki pehchaan naheen ho paai hai. Police sootron ke mutaabik, mangalvaar ki subah kareeb 4 baje ratnaagiri jile ke khed ke paas bas jagabudi nadi mein ja giri. Unhonne bataaya ki Goa-Mumbai highway par pul paar karte hue bas nadi mein gir gayi. Ghatna ki jaankaari milte hi s‍aathaaneeya logon ne vahaan pahunchakar ghaayalon ko raahat pahunchaana shuroo kar diya. Vaheen, police bhi mauke par pahunchakar raahat kaarya mein jut gayi hai