Mahakumbh Teesare Aur Antim 'Shaahi Snaan Ke Liye Vyaapak Vyavastha
Breaking » Thursday, February 14, 2013
Allahabad: Mahakumbh ke dauraan railway station par machi bhagadad ke maddenajar teesare aur antim 'Shaahi snaan' ke liye prashaasan aur railway ne vyaapak intajaam kiye hain. Bhagadad mein maare gaye logon ke prati shok vyakt karne ke maksad se 'Akhaadon' ne 'Shaahi snaan' saadagi se karne ka nirnaya kiya hai. Allahabad ke sanbhaageeya aayukt devesh chaturvedi ne bataaya ki railway ne ham logon ko aashvaasan diya hai ki vasant panchami par sangam mein pavitra snaan ke liye aae teerthayaatriyon ke surakshit vaapasi sunishchit karne ke liye agale teen dinon tak niyamit chalne waali trainon ke alaava kam se kam 70 vishesh train chalaai jaaegi. Chaturvedi Kumbh mela ke nodal adhikaari bhi hain. Chaturvedi ne bataaya ki iske alaava uttar pradesh roadways ke atirikt 1500 bason ko bhi ismein lagaaya jaaega. Log ise saat bas terminalon se pakad sakeinge. Ismein se paanch asthaayi hain jo vishesh roop se Kumbh ke liye banaae gaye hain. Unhonne kaha ki subah se bhaari vaahanon ka shahar mein pravesh pratibandhit kar diya gaya hai aur yah pratibandh 16 February ki shaam tak jaari rahega.