Mahakumbh 2013 5vein Shaahi Snaan Par Umada Janasamudr

Breaking »

Mahakumbh 2013  5vein Shaahi Snaan Par Umada Janasamudr

Sangam: Teertharaaj prayaag mein chal rahe Mahakumbh mein maaghi poornima par somvaar ko hue paanchavein shaahi snaan ke mauke par sangam tat par desh-videsh ke laakhon shraddhaaluon ka samudra umad pada. Naaga sannyaasiyon ki gairamaujoodagi mein kareeb sava karod shraddhaaluon se dubaki lagaai. Maagh poornima ke mahaasnaan ke saath hi kalpavaasiyon ka ek maheene se jaari kalpavaas samaapt ho gaya. Ganga, yamuna aur adrushya sarasvati nadiyon ke sangam ke sabhi 22 ghaaton par tadke se hi shraddhaaluon ki bhaari bheed juti. Snaan ka silsila der shaam tak jaari raha. Ghaaton par chaaron taraf 'Har-har mahaadev' aur 'Jaya ganga maiya' ke jayakaare goonj rahe the. Jahaan pichhle shaahi snaanon mein aakarshan ka kendra akhaadon ke juloos aur naaga saadhu hote the, vaheen saare 13 akhaadon ke Varanasi prasthaan karne ke baad aaj sirf aam shraddhaaluon aur kalpavaasiyon ne hi triveni sangam mein snaan kiya. Mela prashaasan ke adhikaariyon ke mutaabik, shaam saat baje tak kareeb sava karod shraddhaaluon ne sangam snaan kiya. Paush parnima se sangam ki ret par jap-tap kar rahe kalpavaasiyon ne aaj maaghi poornima ka snaan karke apna kalpavaas samaapt kar diya. Kareeb chaar lakh kalpavaasiyon ne moksh aur aadhyaatmik oorja ki praapti ke liye sangam tat par jhopadi mein rahakar kalpavaas kiya. Fatehapur jile ke kalpavaasi deveindr Kumar ne kaha, "Humne ek maheene tak sagam kinaare saadhana karke jo aanand praapt huaa use ham shabdon mein bayaan naheen kar sakte. Baarish ke chalte thodi dikkatein jaroor huin, lekin ek maheene bitaaya gaya vakt adbhud raha. " Mauni amaavasya par Allahabad railway station par machi bhagadad se sabak lete hue railway, mela aur jila prashaasan ki taraf se kiye intajaam aur rananeeti ab vyavasthit najar aa rahe hain. Mela prashaasan, jila prashaasan aur railway ne bheed ko niyantrit kar suchaaru snaan karaane ke liye pukhta intajaam kiye the. Railway ne do darjan se jyaada vishesh trainein chalaain, to roadways ne do hajaar bason ka bandobast kiya tha. Mela kshetr mein laaudaspeekar se bason aur railgaadiyon ke samay ke baare mein lagaataar ghoshana ki ja rahi thi, taaki yaatriyon ko sahi jaankaari mil sake aur ve apne nirdhaarit samay se pehle bas ya railway station par na jaaen. Bheed ek jagah ekatr na ho, iske liye jila prashaasan ne holding area banaae the. Mele mein suraksha ke vyaapak intajaam the. Ardhasainik balon ke javaanon ke saath praanteeya sashastr bal (PAC), homeguard ke kareeb 40 hajaar javaan tainaat the, jo ghaaton se lekar poore kshetr mein chappe-chappe par najar banaae hue the. Ghaaton par snaan karte samay koi shraddhaalu doob na jaae, isliye jal police ke javaanon ki tainaati thi. Mela kshetr mein vaahanon ka pravesh poornataya pratibandhit tha. Ullekhaneeya hai ki makar sankraanti se shuroo huaa Mahakumbh mela 10 March tak chalega. Allahabad mein Mahakumbh mela 12 saal baad laga hai. Isse pehle yahaan varsh 2000 mein Mahakumbh ka aayojan huaa tha.

Mahakumbh 2013 5vein Shaahi Snaan Par Umada Janasamudr https://www.angrejinews.com/pic/2836