'Mahaasen Ka Sri Lanka Par Hamla, Saat Ki Maut

World »

'Mahaasen Ka Sri Lanka Par Hamla, Saat Ki Maut

Colombo. . Sri Lanka ke uttari aur poorvi hisson mein chakravaati toofaan mahaasen ke kaaran hui bhaari baarish ke chalte kam se kam saat log maare gaye aur kareeb teen hajaar log beghar ho gaye. Aapada prabandhan kendra ne kaha ki kam se kam saat log maare gaye aur toofaan ke kaaran do log abhi laapata hain. Center ke pravakta laal sarath kumaara ne kaha, 'Toofaan ki chapet mein aae 2800 se adhik logon ke liye hamaare paas chaar visthaapit shivir hain. ' Bengal ki khaadi ke dakshin poorv mein bane chakravaati toofaan ki gati ab dheemi pad gayi hai aur yah jaafana ke uttar poorv mein 750 kilometer ki doori par sthit hai. Colombo mausam vibhaag ke jeevan kuroonaaratne ne yah jaankaari di. Pahaadi ilaakon mein bhooskhalan ki chetaavani bhi jaari ki gayi, jahaan kai hisson mein lagaataar baarish ho rahi hai. Adhikaariyon ne bataaya ki mausam ki chetaavani ki anadekhi karne waali kareeb 60 naukaaon ko poorvi tat se bachaana pada.

'Mahaasen Ka Sri Lanka Par Hamla, Saat Ki Maut https://www.angrejinews.com/pic/8576