Mahaaraashtr Sadak Haadase Mein 6 Logon Ki Maut, Gussaai Bheed Ne Ki Aagajani

Breaking »

Mahaaraashtr Sadak Haadase Mein 6 Logon Ki Maut, Gussaai Bheed Ne Ki Aagajani

Gadhchirauli Maharashtra ke gadhchirauli jile ke itaapalli kshetr ke gurupalli gaanv ke nikat raajya parivhan nigam ki ek bas ke ek truck se takkar ho jaane se Budhvaar ko 6 logon ki maut ho gayi aur 10 anya gambhir roop se ghaayal ho gaye. Mrutakon mein schooli chhaatr bhi shaamil hain. Gadhchirauli ke police adheekshak shailesh baalaakaavade ne kaha ki peediton ke shokasantapt sanbandhiyon va naaraaj bheed ne apna gussa doosare vaahanon par utaara. Unhonne 10 truckon ko aag lagi di aur kai vaahanon ko kshatigrast kar diya. Bas mein kaafi maatra mein maujood the chhaatr Shailesh ne bataaya ki ham bheed ko shaant karne ke liye ilaake mein atirikt policekarmiyon ke saath pahunche. Haalaat ab poori tarah niyantran mein hai. Unhonne bataaya ki yeh ghatna subah kareeb aath baje hui jab raajya parivhan ki bas aheri dipo se ravaana hui. Bas alaapalli ja rahi thi. Bas mein 50 se jyaada yaatri savaar the, jismein bahut se schooli chhaatr the. Yeh gurupalli ke nikat ek mod par tej raftaar mein thi. Tabhi khanan company ka ek truck achaanak se vipreet disha se aaya aur usaki bas se takkar ho gayi. Takkar itni tej thi ki truck aur bas chaalak ke kebin poori tarah se chakanaachoor ho gaye. Maharashtra: Four trucks were set ablaze by unknown persons after six people got killed & several got injured in a… https: //t. Co/UUHHq9DpMk— ANI (@ANI) 1547679134000 Graameenon ne ki madad Sthaaneeya logon ne haadase ki jagah par pahunchakar kam se kam chaar shavon ko baahar nikaala. Ismein schooli chhaatr, van vibhaag ka ek karmachaari tatha aheri adaalat mein kaam karne waali ek mahila adhikaari va anya saat gambhir roop se ghaayal the. Jald hi aaspaas ke gaanvon ke log bhi aa gaye aur unhonne sadak jaam kar diya. Kuchh gussaae logon ne kam se kam 10 truckon ko aag laga di. Gambhir roop se ghaayalon ko ilaaj ke liye paas ke aspataal pahunchaaya gaya aur anya 15 logon ko maamooli chotein aain. Inhein ilaaj ke baad chhutti de di gayi. Police ne ehatiyaat ke taur par durghatana sthal ke aaspaas ke sabhi raaston par suraksha upaayon ko badha diya hai.

Mahaaraashtr Sadak Haadase Mein 6 Logon Ki Maut, Gussaai Bheed Ne Ki Aagajani https://www.angrejinews.com/pic/248309