Mahaamaaya Mandir Mein Umade Shraddhaalu, Laga Jaam

Breaking »

Mahaamaaya Mandir Mein Umade Shraddhaalu, Laga Jaam

enabeeti news . Modeenagar yahaan gaanv seekari khurd sthit mahaamaaya devi mandir mein mangalvaar shaam se hi shraddhaaluon ka sailaab umad raha hai. Jiske chalte Delhi Meerut naishanal highway par jagah-jagah jaam ki sthiti bani hui hai. Budhvaar tadke se yahaan aane vaale shradghaaluon ki sankhya mein aur ijaafa ho gaya. Budhvaar ki shaam kareeb chhah baje tak aath se das lakh ke beech shradghaalu mahaamaaya devi ke darshan kar chuke the. Mandir parisar mein jagah-jagah CCTV camere lage hain. Budhvaar ko Meerut se Delhi ki or ja rahe anna hajaare aur unke kaafile ko paas karaane ke liye police ko edi-choti ka dam lagaana pada. Mandir ki vyavastha mein lage logon ka maanana hai ki Budhvaar shaam kareeb chhah baje tak aath se das lakh ke beech shraddhaalu mahaamaaya devi ke darshan kar chuke hain. Mangalvaar shaam se mahaamaaya mandir mein devi ke darshan ko jaane vaale shradghaaluon ki bheed dheere-dheere badhni shuroo ho gayi thi. Mangalvaar raat kareeb nau baje tak jaam ki sthiti ban gayi. Delhi ki or jaane waali side mein to vaahanon ki kai kilometer lambi line lag gayi. Ek baar to yaataayaat vyavastha mein lage policekarmiyon ke haath pair fool gaye, lekin jaise-taise unhonne kaaboo pa liya. Lekin vaahan sarak rahe the. Udhar is mauke par mele ke ek doosare chhor par lagne vaale pashu mele mein ghode, khachchar aur gadhon ka jamkar vyaapaar ho raha hai. Dooradaraaj ilaakon ke vyaapaari yahaan apne pashuon ko lekar aae hain. Mele mein ek darjan se adhik naachane waali ghodiya I hain. Jo logon ka manoranjan kar rahi hain.

Mahaamaaya Mandir Mein Umade Shraddhaalu, Laga Jaam https://www.angrejinews.com/pic/5919