Mahaagathabandhan Ka Saath Ya 'Mahaaraaj Ji Par Vishvaas, Asamanjas Mein Poorvi UP Ke Muslim Votar

Breaking »

Mahaagathabandhan Ka Saath Ya 'Mahaaraaj Ji Par Vishvaas, Asamanjas Mein Poorvi UP Ke Muslim Votar

Gorakhpur Poorvi uttar pradesh ke muslim matadaataaon ke saamane Loksabha chunaav se pehle asamanjas ki sthiti ban gayi hai. Chunaavi sameekaranon ki jodtod ke beech muslim matadaataaon ke saamane duvidha yeh hai ki aakhir vah SP-BSP gathabandhan aur Congress mein se kise vote dein. Vaise, muslim samudaaya ke kuchh sadasya mukhyamantri yogi aadityanaath ke gadh Gorakhpur mein kiye gaye vikaas kaaryon ke liye pradhaanamantri Narendra Modi ka samarthan karte hain lekin anya logon mein asuraksha ki bhaavana hai. Gorakhpur ki sabse badi masjid ke pesh imaam mufti mohammad valeeulla ne kaha ki muslimon mein party ko lekar 'Ek rai' naheen hai. Unhonne kaha, 'Kam padhe likhe muslim mahaagathabandhan ko vote kareinge jabki shikshit muslim apni samajh se vote daaleinge. ' valeeulla ne BJP dvaara muslimon ke raashtravaad par savaal khade karne par naaraajagi jataai. Bata dein ki Gorakhpur mein muslimon ki aabaadi kareeb das pratishat hai. Is seat tatha raajya ki 12 anya Loksabha seaton par 19 May ko matadaan hoga. Aadityanaath ke netrutv wala gorakhanaath mandir muslim bahul ilaake mein sthit hai. Mandir mein alpasankhyak samudaaya ke log kaam karte hain. Gorakhpur ka prasiddh gorakshanaath mandir Yogi ke booth par 330 mein se 233 vote mile Varsh 2014 mein BJP ko us matadaan kendra par 330 mein se 233 vote mile the jahaan aadityanaath vote karte hain. Is matadaan kendra ke kareeb aadhe matadaata muslim samudaaya ke hain. Vaheen muslimon mein vishvaas bahaali ki koshish karte hue CM yogi aadityanaath ne kaha ki do saal pehle unki sarkaar satta mein aane ke baad se raajya mein dange ki ek bhi ghatna naheen hui. Unhonne kaha, 'Yahaan (Gorakhpur) ki tarah, raajya ke anya bhaagon mein bhi muslim surakshit mahasoos karte hain. ' 8 seaton par SP to 5 par BSP lad rahi chunaav Antim charan mein Gorakhpur ke alaava mahaaraajaganj, kusheenagar, devariya, baansagaanv, ghosi, salemapur, baliya, Gazipur, chandauli, Varanasi, mirjaapur aur raubartsaganj mein bhi matadaan hona hai. In 13 Loksabha seaton par kul 167 ummeedavaar chunaavi maidaan mein hain. Jahaan tak mahaagathabandhan ki baat hai to SP is charan mein 8 aur BSP 5 seaton par chunaav lad rahi hai. Udhar, inmein se BJP 11 seaton jabki iska sahayogi apna dal (sonelaal) do seaton par maidaan mein hai. Yeh bhi padhein: Chunaav prachaar khatm, Rahul-shaah ka jeet ka daava Modi ke achhe kaam ko mauka dene ki himaayat Gorakhpur ke alaava poorvi UP ki kusheenagar seat par muslim samudaaya ke faisale mein asuraksha pramukh kaarak hai. Kaasiya tahaseel mein madarasa chalaane vaale Ahmad kamaal abdur Rahman nadavi ne kaha ki samudaaya ke khilaaf aparaadh badhe hain. Unhonne aarop lagaaya ki prashaasan ki aparaadhiyon se saathagaanth hai. Udhar, mahaaraajaganj kshetr ke mohammad Arshad ne kaha ki pradhaanamantri Narendra Modi ke netrutv waali BJP sarkaar ko ab tak kiye gaye achhe kaam ke liye fir se mauka milna chaahiye. Arshad raajaneetik vigyaan vishay mein snaatak hai aur taxi chaalak ke roop mein kaam karte hain.

Mahaagathabandhan Ka Saath Ya 'Mahaaraaj Ji Par Vishvaas, Asamanjas Mein Poorvi UP Ke Muslim Votar https://www.angrejinews.com/pic/275284