Madhyakram Mein Badlaav, Jaadhav Aur Kaartik Ka Safar Thamane Ki Sambhaavana

Cricket »

Madhyakram Mein Badlaav, Jaadhav Aur Kaartik Ka Safar Thamane Ki Sambhaavana

London, 11 July (bhaasha) Bhaarat ke kamjor madhyakram mein aamoolachool badlaav ki sambhaavana hai aur aise me agale saal hone vaale vishv tee20 ko dhyaan mein rakhate hue kedaar jaadhav aur dinesh kaartik jaise kaamachalaaoo vikalpon ko team se baahar kiya ja sakta hai. Mahendra Singh Dhoni ne jab se kaptaani sambhaali thi tab se ekadivseeya antararaashtreeya vishv cup ke liye kam se kam do saal aur tee20 ke liye lagbhag 18 maheene pehle se team taiyaar karne ki neeti chal rahi hai. seemit overon ka Bhaarat ka agala bada tournament Australia mein agale saal hone wala vishv tee20 hoga jo chaar saal baad ho raha hai. emaesake prasaad ki aguaai waali chayan samiti BCCI ke chunaav hone tak prabhaari rahegi lekin ummeed hai ki badlaav ke daur mein bhi yahi samiti jimmedaari sanbhaalegi jismein agale 14 maheene mein dhyaan sabse chhote praaroop par adhik hoga. jaadhav aur kaartik jaise kaamachalaaoo khilaadiyon ki maujoodagi wala Bhaarat ka kamjor madhyakram upamahaadveep ke baahar ke haalaat mein dabaav ki sthiti se nipatne mein saksham naheen tha. Yeh maujooda team ki sabse badi kamjori thi aur vishv cup semifinal jaise nateeje ki aashanka sabhi ko thi. rohit sharma, viraat Kohli aur lokesh Rahul ka ek saath bura din hone ka khaamiyaaja bhugatna pada aur isse bhi niraashaajanak yeh raha ki aisa knock-out match mein hua. chaipiyns traafi 2017 ke final mein haar ke baad Bhaarat ki ekadivseeya antararaashtreeya team ke kor khilaadi chun liye gaye the aur coach ravi shaastri aur kaptaan Kohli ne do kalaai ke spinron par match vijeta ke roop mein bharosa kiya tha. Kuldeep Yadav aur yujaveindr chahal ne vishv cup mein kaafi achha pradarshan naheen kiya lekin dwipaksheeya shrrunkhalaaon mein inka pradarshan shaanadaar raha. vishv cup hi naheen balki isse do saal pehle se hi Bhaarat ke paas koi plaan bi naheen tha lekin Kohli aur rohit ki behatareen firm aur inke shatakon ne team ki ballebaaji ki kamjoriyon ko ujaagar naheen hone diya. Mahendra Singh Dhoni ki death overon mein aakraamak ballebaaji ki kshamata mein giraavat I hai jabki haardik pandya ballebaaji ko adhik prabhaavit naheen kar paae. maneesh Pande aur shreyas ayyar jaise khilaadiyon ko paryaapt mauke diye bina hi vishv cup ki yojanaaon se baahar kar diya gaya. Bhaarat ke bhavishya ke ballebaaj maane ja rahe shubhaman gil ko New Zealand mein do maichon mein mauka diya gaya lekin iske baad team se baahar kar diya gaya. vishv cup ne haalaanki sabak diya ki kaartik aur jaadhav jaise khilaadi kabhi kabhaar nirnaayak bhoomika nibha sakte hain lekin in par adhik bharosa naheen kiya ja sakta. kaartik ke paas England ke haalaat mein khelne wala khel naheen tha aur unke viketakeeping kaushal ke kaaran unhein team ke saath rakha gaya. Jaadhav bhi death overon mein teji se run batorane mein saksham naheen aur pair ki maansapeshiyon mein lagaataar chot ke baavajood un par baar baar bharosa kiya gaya. Dhoni ke khel ka agar prabhaav dekhna hai to iske liye doosare chhor par jadeja ya pandya jaisa ballebaaj chaahiye jo teji se run jutaane mein saksham ho. Team ne haalaanki jaadhav aur kaartik jaise tukadon mein pradarshan karne vaale khilaadiyon ko visheshagya banaane ka prayaas karne ki galati ki. Bhaarat ki paanch sadasyeeya chayan samiti ko kul milaakar 20 test khelne ka bhi anubhav naheen hai. Yeh samiti sahi aakalan naheen kar pai ki ve aakhir chaahate kya hain kyonki use aise khilaadi chunane honge jiske saath kaptaan sahaj ho. haalaanki vishv tee20 kareeb hai aur Kohli ne spasht kar diya hai ki aatmavishleshan kiya jaaega. Aise mein kuchh badlaavon ki ummeed hai lekin kor khilaadiyon se sambhavat: Chhedchhaad naheen ki jaaegi. iske alaava 20 khilaadiyon ke kor samooh ki pehchaan ki jaaegi jo agale saal ya isse baad 50 aur 20 over donon praaroopon mein khelein. Is samooh mein kaartik aur jaadhav ko adhik ahamiyt milne ki sambhaavana naheen hai. bhavishya par najar daali jaae to Kohli, rohit, Rahul, haardik, jasapreet bumaraah, rishabh pant, Kuldeep Yadav aur bhuvaneshvar Kumar agale kuchh varshon ke dauraan chhote praaroop mein kor khilaadi honge. Chahal aur mohammad shami bhi yojanaaon ka hissa honge. Pande, ayyar aur gil ko haalaanki agale saal vishv tee20 se pehle adhik mauke diye jaane ki jaroorat hai. Pruthvi saav aur mayank Agrawal ko bhi naheen bhoolana chaahiye jinhein aakraamak ballebaaj maana jaata hai. tej geindabaajon navadeep saini, khaleel Ahmad aur deepak chahar, leg spinner Rahul chahar aur mayank maarkandeya, all-rounder krunaal pandya aur wicket-keeper ballebaaj sanjoo Samson ko bhi mauke diye ja sakte hain. ghareloo tournamenton mein kaafi safal naheen hone ke baavajood Bhaarat A ke coach Rahul Dravid sanjoo Samson ko kaafi pratibhaavaan maanate hain. Samson chhote praaroop mein pant ko kadi takkar de sakte hain. Unka viketakeeping kaushal bhi haalaanki kaafi stareeya naheen hai.

Madhyakram Mein Badlaav, Jaadhav Aur Kaartik Ka Safar Thamane Ki Sambhaavana https://www.angrejinews.com/pic/286078