Madhya Pradesh Mein 2 Saandon Ko Faansi Par Latakaaya
Breaking » Tuesday, March 26, 2013
Pi. Naveen Bhopal. . Madhya pradesh ke shivpuri jile mein ek chaunkaane waali ghatna saamane I hai. Yahaan ke ek kisaan ne fasal barbaad karne se naaraaj hokar 2 saadon ki pehle jamkar pitaai ki aur fir faansi par lataka diya. Police ne maamala darj kar jaanch shuroo kar di hai. Police ke mutaabik, maayaapur thaana ilaake mein rahane vaale kisaan darshan Singh ke khet me 2 saand ghus gaye. Saandon ne unki taiyaar fasal ko bhaari nuksaan pahunchaaya. Isse darshan Singh naaraaj ho gaye aur apne saathiyon ke saath saand ko gher kar usaki road se jamkar pitaai ki. Itne se bhi man naheen bhara to gaanv ke school ke baahar ek ped se baandh donon saandon ko faansi par lataka diya. Dam ghutne se donon saandon ko maut ho gayi. Soochana milte hi police vahaan pahunchi aur saandon ke shavon ko postmortem ke liye bhej diya. Police maamale ki jaanch kar rahi hai. Pratyakshadarshiyon se poochhataachh bhi kar rahi hai. Police darshan Singh aur unke 2 rishtedaaron ke khilaaf gauvansh tatha pashu kroorata adhiniyam ke tahat maamala darj kar liya hai