Madhya Pradesh Kisaanon Ki Aatmahatya Ke Maamale Mein Chauthe Number Par

Breaking »

Madhya Pradesh Kisaanon Ki Aatmahatya Ke Maamale Mein Chauthe Number Par

Bhopal: Madhya Pradesh mein bhaajapa ke aath saal ke shaasan kaal mein jahaan 10 hajaar aath sau se adhik kisaanon ne vibhinn kaaranon ke chalte aatmahatya ki hai vaheen kisaanon ki aatmahatya ke maamale mein yah raajya desh mein chauthe number par pahunch gaya hai. Adhikaarik sootron ne raashtreeya aparaadh bureau ke aankadon ke havaale se bataaya ki pradesh mein kisaanon dvaara ki ja rahi aatmahatyaaon ki mukhya vajah aarthik tangi, karj aur paarivaarik rahi hai. Raashtreeya aparaadh bureau dvaara upalabdh aankadon ke anusaar Madhya Pradesh mein varsh 2011 mein pratidin ausatan teen se adhik kisaanon ne maut ko gale lagaaya aur vibhinn kaaranon se kul 1326 kisaanon ne aatmahatya jaisa kadam uthaaya hai. Sootron ke anusaar varsh 2004 se varsh 2011 ke aath saal ke beech 10861 kisaanon ne maut ko gale lagaaya. Upalabdh aankadon ke anusaar varsh 2011 mein jin 1326 kisaanon ne maut ko gale lagaaya unke kaaran alag alag rahe hain. Is dauraan jin kisaanon ne aatmahatya ki hai unamein 347 ne paarivaarik kaaranon se, 16 ne aarthik kaaranon se, 326 ne shaareerik va maanasik beemaari ke chalte, 120 ne nashe mein aur 508 ne anya kaaranon se khudakushi ki hai. Bhaajapa samarthit bhaarateeya kisaan sangh ke poorv adhyaksh tatha kisaan majadoor praja party ke sansthaapak shivkumaar sharma ka maanana hai ki kisaanon ki aatmahatya ki mukhya vajah hai ki kisaanon ke liye kheti ab, laabh ka dhandha to door laagat nikaal paane laayak bhi naheen rah gayi hai. Sharma ne bhaasha se baatcheet mein kaha ki jabalapur krushi vishvavidyaalaya se sambaddh hoshangaabaad ke pavaarakheda krushi anusandhaan kendra ke krushi vaigyaaniko ne bhi maana hai ki kisaan ke ek quintal gehoon ka laagat moolya saadhe chhah hajaar rupaye aata hai jabki usaka gehoon 13-14 sau rupaye prati quintal hi bik paata hai. Unhone kaha ki sarkaar samarthan moolya ghoshit karte samay kisaan ke shram ko jodakar naheen dekhti. Sharma ne kisaanon ki dayaneeya sthiti ke liye Madhya Pradesh sarkaar ko jimmedaar thaharaate hue kaha ki yahaan mandi kaanoon mein parivartan hi bhrashtaachaar ki sabse badi jad hai. Unhone kaha ki poorv mein jahaan kisaan mandi adhyaksh ka chunaav karte the vahi ab sarkaar ne is kaanoon mein badlaav kar diya hai aur ab uske sadasya hi adhyaksh ka chunaav karte hain. Unhone kaha ki jab adhyaksh hi paanch das karod rupaye kharch kar chunaav jeetega to vah is raashi ko kaheen se to nikaalega. Sharma ne kaha ki isi ke chalte m. Pr. Ki mandiyon mein kisaanon ko nyoonatam samarthan moolya naheen mil pa raha hai. Unhonne udaaharan dete hue bataaya ki ganjabasauda mandi mein tuar daal 2200 se 2800 rupaye prati quintal bik rahi hai jabki usaka samarthan moolya 3500 rupaye prati quintal hai aur udad ki bhi yahi haalat hai. Unhone kaha ki yadi kisaanon ko aatmahatya se bachaana hai to sabse pehle kheti ki laagat kam karna hoga tatha aise kadam uthaane honge jaise Kerala, Karnataka, Andhra Pradesh aur Gujarat ki sarkaarein utha raheen hain. Unhone kaha ki Kerala aur Karnataka mein kisaanon ka muft bijli di ja rahi hai jabki Andhra Pradesh mein unase naam maatr ka shulk liya jaata hai.

Madhya Pradesh Kisaanon Ki Aatmahatya Ke Maamale Mein Chauthe Number Par https://www.angrejinews.com/pic/2713