Madhya Pradesh Ki Paanch Saal Ki Rape Peedit Bachchi Ki Haalat Gambhir

Breaking » Monday, April 22, 2013

Nagpur. . Madhya pradesh ke seevani jile ke ghanasaur shahar ki paanch saal ki balaatkaar peedita 'Mastishk ki kshati' se joojh rahi hai aur usaki haalat abhi bhi naajuk bani hui hai. Is bachchi ko Nagpur ke niji aspataal mein bharti karaaya gaya tha. Bachchi ka ilaaj kar rahe aspataal ke Doctor ashok taank ne kaha, 'Ladki ki haalat abhi bhi naajuk hai aur use veinteeletar par rakha gaya hai. Uske mastishk ko kshati pahunchi hai aur uske mastishk mein okseejan naheen aa-ja pa raha hai. ' madhya pradesh police ke anusaar, is ladki ke saath kathit taur par 35 saal ke firoj Khan ne 17 April ko ghanasaur shahar mein balaatkaar kiya tha jiske baad usane use ek khet mein feink diya tha. Ladki ke maata pita ne agali subah use behosh haalat mein khet se baraamad kiya tha, jise unhonne jabalapur ke subhaashachandr medical college aind hauspitl mein bharti karaaya tha. Haalaanki 20 April ki madhya raatri ko ladki ko baad mein air ambulance ke maadhyam se Nagpur pahunchaaya gaya tha jahaan use Nagpur ke raamadasapeth kshetr ke keyar hauspitl mein bharti karaaya gaya tha.