Madhya Pradesh Ki 4 Saal Ki Rape Peedit Bachchi Ki Haalat Gambhir

Breaking »

Madhya Pradesh Ki 4 Saal Ki Rape Peedit Bachchi Ki Haalat Gambhir

Nagpur. . Madhya pradesh ke sivni jile mein ek vahashi ki darindagi ka shikaar bani chaar saal ki bachchi ka Nagpur ke aspataal mein ilaaj jaari hai, lekin usaki haalat mein koi sudhaar naheen aaya hai. Police ne aaropi firoj Khan par ek lakh ka inaam ghoshit kar diya hai. Sivni jile ke ghansaur thaana kshetr mein chaar saal ki bachchi ko firoj Khan naamak yuvak ne apni havas ka shikaar banaaya tha. Firoj ke saathi Rakesh chaudhari ko pehle hi giraftaar kiya ja chuka hai. Baalika ko gambhir haalat mein pehle jabalapur aur fir air embuleins se Nagpur bheja gaya hai. Madhya pradesh ke sivni jile ke ghanasaur shahar ki paanch saal ki balaatkaar peedita 'Mastishk ki kshati' se joojh rahi hai aur usaki haalat abhi bhi naajuk bani hui hai baalika ki haalat gambhir hai, vah behosh hai. Upachaar ke baavajood usaki haalat mein koi sudhaar naheen aaya hai. Sivni ke police adheekshak mithilesh shukla sahit anya adhikaari Nagpur mein dera daale hue hain. Shukla ne somvaar ko bataaya hai ki bachchi ka upachaar jaari hai. Vaheen, police ki or se aaropi firoj par ek lakh rupae ka inaam ghoshit kiya gaya hai. Pehle paanch aur fir 15 hajaar ka inaam ghoshit kiya gaya tha, jise badhaakar ek lakh rupae kiya gaya hai. Aaropi firoj Bihar ka rahane vaala hai aur usaki talaash ke liye raajya ke police bal ke dal kai sthaanon par gaye hain, magar abhi tak firoj ka koi suraag haath naheen laga hai. Bachchi ka haal jaanane aur use chikitsa ki behtar suvidha muhaiya karaane ke maksad se raajya ke gruhamantri umaashankar gupta Nagpur ke liye ravaana ho gaye hain. Bachchi ka ilaaj kar rahe aspataal ke Doctor ashok taank ne kaha, 'Ladki ki haalat abhi bhi naajuk hai aur use ventilator par rakha gaya hai. Uske mastishk ko kshati pahunchi hai aur uske mastishk mein okseejan naheen aa-ja pa raha hai. ' bachchi ab bhi behosh hai aur usaka dimaag kaam naheen kar raha hai. Doctoron ka kehna hai ki balaatkaar ke baad bachchi ka gala ghontane ki koshish kiye jaane ki vajah se usaka bren daimej ho gaya hai aur vah 'Deep coma' mein hai.

Madhya Pradesh Ki 4 Saal Ki Rape Peedit Bachchi Ki Haalat Gambhir https://www.angrejinews.com/pic/6411