Madhu Koda Ko Sampatti Ke Ailaan Se Chhoot

India »

Madhu Koda Ko Sampatti Ke Ailaan Se Chhoot

pras . Nai Delhi : Jahaan ek or saarvajanik jeevan mein maujood logon ko sarkaar adhik paaradarshi banaane ka daava kar rahi hai, vaheen doosari or khud saansad jaroori soochana bhi pablik domen mein dene se kataraate hain. Desh ke 8 saansadon ne baar-baar maange jaane ke baavajood apni sampatti ka khulaasa ab tak naheen kiya hai. Iska khulaasa RTI aiktivist subhaash chandra Agrawal ki or se soochana ke adhikaar ke tahat maangi gayi jaankaari se huaa. Inmein teen saansad Loksabha se jabki 5 saansad Rajyasabha se hain. Dilchasp hai ki in 8 saansadon mein ghotaale mein fanse Jharkhand ke neta madhu koda ka bhi naam hai. Unhonne apni sampatti ki ghoshana na karne ke baare mein Loksabha adhyaksh se anumati maangi thi jise sveekaar kar liya gaya. Yah vishesh adhikaar Loksabha adhyaksh ke paas hota hai. Ek savaal ke javaab mein yah bhi kaha hai ki agar koi saansad apni vaivaahik jindagi ke baare mein galat soochana deta hai to is aadhaar par bhi kaarravaai ki ja sakti hai.

Madhu Koda Ko Sampatti Ke Ailaan Se Chhoot https://www.angrejinews.com/pic/5423