Madhu Kishvar Ne Jataai Narendra Modi Ki Hatya Ki Aashanka

Breaking »

Madhu Kishvar Ne Jataai Narendra Modi Ki Hatya Ki Aashanka

Nai Delhi . . Saamaajik kaaryakarta, varishth patrakaar aur 'Maanushi' patrika ki sampaadak madhu kishvar ne ek tweet mein Gujarat ke mukhyamantri Narendra Modi ki hatya ki aashanka jataakar raajaneetik halakon mein halachal macha di. Unke tweet ke baad jahaan Congress ne unase is jaankaari ka srot saarvajanik karne ko kaha hai, vaheen Modi samarthakon ne is aashanka ko gambheerta se lene ki jaroorat bataai hai. Madhu kishvar ne guruvaar ko twitter par kaha ki keindreeya sarkaar ke kuchh ofisron se mili. In logon ne Narendra Modi ki hatya ki aashanka jataai jisse main chaunk padi. Ab tak raajya sarkaar aur usaki agencyan hi aisi aashanka jata hi rahi theen, magar pehli baar gair gujaraati keindreeya sarkaar ke ofisron ke munh se aisi baat sunakar main soch mein pad gayi. Unhein khatra to hai hi. Kishvar ke mutaabik un ofisron ne unhein bataaya ki agar teesta seetalavaad (Gujarat dangon se jude maamalon mein peediton ki taraf se adaalati ladaai ladne waali saamaajik kaaryakarta) aur Congress unke khilaaf farji FIR darj karaane mein naakaam raheen to is baat ke aasaar hain ki Modi ki hatya ho jaae. Kishvar ne bataaya ki unhonne jin sootron ka havaala diya, ve kaafi vishvasaneeya hain aur aisi sthiti mein hain ki unke paas aadhikaarik jaankaari pahunchati hai. Isliye is jaankaari ko saarvajanik taur par share karna unhein jaroori laga. Magar, unke tweet ke baad javaabi tveets ka silsila shuroo ho gaya. Kaafi sankhya mein log Modi ke baare mein chinta jata rahe the, magar kuchh log madhu kishvar ki is soochana ki praamaanikta ko lekar sandeh bhi jata rahe the. Congress ne kaha hai ki agar kishvar apni soochana ko lekar gambhir hain to unhein un ofisron ke naam bataane chaahiye jinhonne unhein yah soochana di.

Madhu Kishvar Ne Jataai Narendra Modi Ki Hatya Ki Aashanka https://www.angrejinews.com/pic/5998