Maayaavati Ne Raajyapaal Se Ki Raashtrapati Shaasan Ki Sifaarish Karne Ki Maang

Breaking »

Maayaavati Ne Raajyapaal Se Ki Raashtrapati Shaasan Ki Sifaarish Karne Ki Maang

Lucknow. . Uttar pradesh ki poorv mukhyamantri aur BSP pramukh maayaavati ne shukravaar ko raajyapaal bi. L. Joshi se mulaakaat ki. Maayaavati ne raajya mein kaanoon evam vyavastha ka raaj samaapt ho jaane ka aarop lagaate hue unase kendra sarkaar se raashtrapati shaasan lagaae jaane ki sifaarish karne ki maang ki hai. Maayaavati party ke raashtreeya mahaasachiv sateesh mishr ke saath Rajbhavan pahuncheen aur pradesh mein kathit taur par jarjar kaanoon vyavastha ka byaura dete hue raajyapaal Joshi ko ek gyaapan saunpa. Gyaapan mein raajya mein samvaidhaanik sankat paida ho jaane ka aarop lagaate hue unase raashtrapati pranav mukharji ko apni report bhejkar raajya mein raashtrapati shaasan lagaae jaane ki maang ki gayi hai. Raajyapaal Joshi ko saunpe apne teen pannon ke gyaapan mein maayaavati ne aarop lagaaya hai ki SP sarkaar ke 13 maheene ke shaasanakaal mein aparaadh par se niyantran samaapt ho gaya hai, kaanoon-vyavastha chaupat hai aur raajya mein samvaidhaanik sankat ki sthiti paida ho gayi hai. Unhonne aarop lagaaya ki pradesh ke mantri va raajyamantri ka darja praapt padon par dhan lekar niyuktiyaan kiye jaane ki charchaaen samaachaar patron mein aam hain, jisse in padon ko beche jaane ki aashanka paida ho gayi hai. Haalaanki unhonne yah bhi kaha ki yah jaanch ka vishay ho sakta hai. Rajbhavan dvaara in paristhitiyon ka sanjnyaaan liya jaana jaroori hai.

Maayaavati Ne Raajyapaal Se Ki Raashtrapati Shaasan Ki Sifaarish Karne Ki Maang https://www.angrejinews.com/pic/6113