Maayaavati Ko Naheen Di Clean Chit Meharotra

Breaking »

Maayaavati Ko Naheen Di Clean Chit  Meharotra

Nai Delhi. . Uttar pradesh ke lokaayukt Justice (retired) N. Ke. Meharotra ne Budhvaar ko kaha ki unhonne 1400 karod rupaye ke smaarak ghotaala maamale mein pradesh ki poorv mukhyamantri maayaavati ko clean chit naheen di hai. Ek media report ke mutaabik, unhonne saaf kiya ki jaanch ke dauraan 242 logon ne bayaan darj karaae the, lekin inmein se kisi ne bhi ghotaale mein maayaavati ki bhoomika ke baare mein koi suboot naheen diye. Sabhi afsaron aur injiniyron ne itna hi kaha ki maayaavati nirmaan kaaryon ka jaayaja lene ke liye mauke par jaati theen, lekin is baat ka suboot naheen hai ki unke mantriyon dvaara kamaai gayi rakam maaya tak pahunchati thi. Gaurtalab hai ki lokaayukt ne somvaar ko hi jaanch report mukhyamantri Akhilesh Yadav ko saunpi thi, jismein unhonne maayaavati ke kaddaavar mantri rahe naseemuddeen Siddiqui aur babu Singh Kushwaha ko doshi bataate hue unase ghotaale ki rakam vasool karne ki sifaarish ki thi.

Maayaavati Ko Naheen Di Clean Chit Meharotra https://www.angrejinews.com/pic/9389