Maari Gain Naksali Ke Parijan Ka DNA Test Karavaaegi Police

Breaking » Thursday, April 18, 2013

Gadhchirauli. . Police ke saath chaar April ko hui ek muthabhed mein maari gayi ek mahila 'Naksali' ki asli pehchaan ke liye DNA pareekshan karaaya jaaega. Ek adhikaari ne bataaya ki ek vyakti ne daava kiya hai ki maari gayi mahila usaki bahan thi jabki mahila ka shav pehle hi ek anya parivaar ko saunpa ja chuka hai. Police suparinteindeint mohammad suvej hak ne bataaya, 'Ham mahila ki pehchaan ka pata lagaane ke liye donon parivaaron ke sadasyon ka DNA pareekshan kareinge. Humne unke khoon ke namoone le liye hain aur jab mrut mahila ka postmortem kiya gaya tha tab uske visra ko bhi surakshit rakh liya gaya tha. ' is aadivaasi mahila ki pehchaan police ne sarita urf jyoti ke taur par ki aur usaka shav 'Uske parijanon' ko saunp diya tha. Baharahaal, veenoo kumma taado naamak ek vyakti ne daava kiya hai ki maari gayi mahila sarita naheen balki usaki bahan suneeta taado thi aur gadhchirauli ki rahane waali thi. Police ko diye gaye bayaan mein veenoo ne kaha hai ki police ka daava hai ki chaar April ko Chhattisgarh ki seema se lagne vaale bhaatapaar jungle mein muthabhed ke dauraan ek mahila apne maaovaadi saathiyon ke saath maari gayi aur vah maaovaadi thi. Veenoo ke mutaabik, lekin vah mahila vaastav mein usaki bahan thi, vah maaovaadi naheen thi. Yah poochhe jaane par ki kis aadhaar par police ne mahila ki pehchaan sarita ke taur par ki thi, police adheekshak ne kaha 'Humne jo pehchaan ki vah hamaare record mein maujood naksaliyon ke profaail par aadhaarit thi. Iske alaava kuchh aur ugravaadiyon ne tatha khud mahila ke parijanon ne usaki pehchaan sarita ke taur par ki thi. ' hak ne kaha ki agar mahila suneeta hui, jaisa ki uske bhaai ne daava kiya hai, to usaka shav khod kar nikaala jaaega aur veenoo ke supurd kar diya jaaega. Police ke saamane mahila ki asli pehchaan ko lekar ek bada savaal yah hai ki agar jaanch ke baad yah saabit hota hai ki maari gayi mahila sarita naheen theen to. . . ? Is par police suparinteindeint ne kaha 'Aisa huaa to ham samjheinge ki shaayad ugravaadi use apne saath le gaye honge. ' veenoo ka kehna hai ki usaki bahan maaovaadi naheen thi. Lekin, usane yah bhi maana ki usaki bahan maaovaadiyon ke prati sahaanubhooti rakhati thi aur naksaliyon se milti thi. Vah aksar jungle mein unke liye khaana le jaati thi. Hak ne kaha, 'Yah ghatna hamaare liye ek sabak hai. Hamein aur adhik satark rahana hoga aur bhavishya mein aise maamalon mein ehtiyaat ke taur par parivaar ke sadasyon ka DNA pareekshan karaana hoga.