Maanahaani Maamala Shaajiya Ilmi Ke Khilaaf Jamaanati Warrant

Breaking »

Maanahaani Maamala  Shaajiya Ilmi Ke Khilaaf Jamaanati Warrant

Shaajiya ilmi ki file tasveer Shaajiya ilmi ki file tasveer Nai Delhi: Delhi ki ek adaalat ne Kapil sibbal ke bete amit sibbal ki or se aam aadmi party ki neta shaajiya ilmi, party pramukh Arvind Kejriwal aur anya ke khilaaf daakhil maanahaani maamale mein shaajiya ke khilaaf jamaanati warrant jaari kiya. adaalat ne pichhle maheene kaha tha ki is maamale mein pesh naheen hone par use Arvind Kejriwal, maneesh sisaudiya, prashaant bhooshan aur shaajiya ilmi ke khilaaf vivsh hokar kadam uthaana pad sakta hai. metropolitan magistrate suneel Kumar sharma ne isse pehle saman kiye jaane par pesh naheen hone ke kaaran shaajiya ilmi ke khilaaf jamaanati warrant jaari kiya. Magistrate ne kaha ki shaajiya ilmi ke khilaaf 5,000 rupaye ki raashi par jamaanati warrant jaari kiya jaata hai. Is kaaryavaahi ke dauraan vakeel prashaant bhooshan adaalat mein maujood the. adaalat ne haalaanki, sisaudiya ke pita ka 22 May ko nidhan ho jaane ke kaaran unhein kaaryavaahi se chhoot dene ka anurodh sveekaar kar liya aur un par koi jurmaana naheen lagaaya. Baharahaal, adaalat ne Arvind Kejriwal ki or se pesh ho rahe poorv kaanoon mantri aur varishth vakeel shaanti bhooshan se kaha ki upayukt chhoot yaachika daakhil karne aur sunavaai ki agali taareekh 23 August ko unki peshi sunishchit ki jaae.

Maanahaani Maamala Shaajiya Ilmi Ke Khilaaf Jamaanati Warrant https://www.angrejinews.com/pic/51615