Maamooli Badhat Ke Saath Baajaar Band, Sensex 90 Ank Chadha

Business »

Maamooli Badhat Ke Saath Baajaar Band, Sensex 90 Ank Chadha

Mumbai Loksabha chunaavon ke nateejon ke ek din pehle baajaar mein maamooli utaar-chadhaav dekhne ko mila. Haalaanki aakhiri vakt mein share baajaar mein teji dekhne ko mili aur Sensex 90.48 ank chadhkar 23,905.60 par jabki Nifty 11.70 ank chadhkar 7,120.45 par band hue. Shuruaati kaarobaar mein teji shuruaati kaarobaaron mein bhi teji ka rukh dekha gaya. Sensex subah lagbhag 9.22 baje 156.14 ankon ki teji ke saath 23,971.26 par aur Nifty bhi lagbhag isi samay 36.20 ankon ki teji ke saath 7,144.95 par kaarobaar karte dekhe gaye. BSE ka 30 sheyaron par aadhaarit samvedi soochakaank Sensex subah 5.70 ankon ki giraavat ke saath 23,809.42 par aur NSE ka 50 sheyaron par aadhaarit samvedi soochakaank Nifty 2.55 ankon ki teji ke saath 7,111.30 par khula. Rupaya 22 paise majaboot ekjit pol ki or se kendra mein NDA sarkaar banane ke anumaan ke beech fandon aur niveshakon ki or se poonji pravaah badhaae jaane se faureks baajaar mein aaj ke shuruaati kaarobaar ke dauraan dollar ke mukaabale rupaya 22 paise ki majabooti ke saath kareeb 10 maah ke sheersh star 59.46 rapaye prati dollar par pahunch gaya. Faureks baajaar mein pichhle satr ke dauraan dollar ki tulana mein rupaya 37 paise majaboot hokar kareeb nau maah ke uchch star 59.68 rupaye prati dollar par band hua tha, jo aaj ke shuruaati kaarobaar mein 22 paise ke aur sudhaar ke saath 59.46 rupaye prati dollar par aa gaya. Baajaar me teji se rupaye ki dhaarana majaboot hui.

Maamooli Badhat Ke Saath Baajaar Band, Sensex 90 Ank Chadha https://www.angrejinews.com/pic/50651