Maamooli Baat Par Sena Ke Javaan Ne Apni Mangetar Ko Jinda Jala Diya

Breaking » Thursday, February 7, 2013

Aurangabad: Sena ke ek javaan ne saadi ke chayan ko lekar hue maamooli jhagade par apni mangetar ko aag laga di. Peedita 80 pratishat jal gayi aur javaan ko giraftaar kar liya gaya hai. Police ne guruvaar ko bataaya ki ghatna Budhvaar ki hai. Aaropi sachin hanvate apni mangetar ke saath saadi khareedne gaya tha. Unki shaadi agale saptaah honi thi. Ek adhikaari ne bataaya, "Hanvate ki mangetar ne saadi pasand na aane ki baat kahi. Is baat par donon ke beech jhagada hua aur fir ve ghar laut aae. " Police ne bataaya jhagada us vakt badh gaya jab hanvate ki mangetar ne kaha ki yeh saadi pahanane ki bajaay vah khud ko aag laga legi. Is par hanvate ne use aag laga di. Peedita 80 pratishat jal gayi hai. Usaka ilaaj chal raha hai. Hanvate ko Budhvaar der shaam giraftaar kar liya gaya. Us par hatya ke prayaas ka maamala darj kiya gaya hai. Aaropi pashchim Bengal mein tainaat tha aur vah vivaah ke silsile mein yahaan aaya hua tha.