Maaladeev Mein Cricket Stadium Banaane Par Vichaar Karega Bhaarat

Cricket »

Maaladeev Mein Cricket Stadium Banaane Par Vichaar Karega Bhaarat

Maale Bhaarat ne maaladeev ke saath somvaar ko yuva kaarya aur khelon ke kshetr mein aapasi sahayog ko lekar hui baithak ke dauraan aashvaasan diya ki vah yahaan cricket stadium banaane mein madad ke uske anurodh par sakaaraatmak vichaar karega. Bhaarat aur maaladeev ke beech dwipaksheeya sambandhon ke har pahaloo par baatcheet hui. Videsh mantri Sushma Swaraj ne maaladeev ke videsh mantri abdulla Shahid samet sheersh netaaon se baat ki. Swaraj ki do divseeya yaatra ke ant mein jaari sanyukt bayaan mein kaha gaya, 'Yuva kaarya aur khelon mein sahayog ke masale par baatcheet ke dauraan maaladeev ne Bhaarat se cricket stadium banaane mein madad ka anurodh kiya. ' Maaladeev raashtreeya cricket team antararaashtreeya cricket mein desh ka pratinidhitv karti hai. Is saal January mein maaladeev ne pehla tee20 antararaashtreeya match khela. ICC ne apne sabhi sadasyon ko poornakaalik tee20 antararaashtreeya darja de diya hai.

Maaladeev Mein Cricket Stadium Banaane Par Vichaar Karega Bhaarat https://www.angrejinews.com/pic/262055