Maaladeev Ki Adaalat Ne Nasheed Ko Pesh Karne Ka Aadesh Diya

Breaking »

Maaladeev Ki Adaalat Ne Nasheed Ko Pesh Karne Ka Aadesh Diya

Maale: Maaladeev ki ek adaalat ne police ko aadesh diya ki poorv raashtrapati mohammad nasheed ko Budhvaar ko uske saamane pesh kiya jaae. Police pravakta ne kaha ki maaladeev ki police ne apne videsh mantraalaya se sampark kar aagrah kiya hai ki vah nasheed ki giraftaari ke liye bhaarateeya uchchaayog se baat kare. Gaurtalab hai ki gatirodh ka koi hal nikalne ke sanket naheen milne ke beech maaladeev ke poorv raashtrapati mohammad nasheed somvaar ko lagaataar chhathe din bhaarateeya uchchaayog mein maujood rahe. Vaheen, Bhaarat aur maaladeev ke beech aaj vaakyuddh chhida aur Bhaarat ne is baat se inkaar kiya ki uske uchchaayog ka upayog yahaan hinsa bhadkaane ke iraade se raajaneetik baithakon ke liye kiya ja raha hai. Bhaarateeya uchchaayukt DM mule ko bulaae jaane aur uchchaayog mein nasheed ke rukane par kada virodh patra jaari hone ke ek din baad Bhaarat ne kaha ki vah doharaana chaahata hai ki poorv raashtrapati ki maujoodagi ke dauraan uchchaayog parisar mein kisi tarah ki raajaneetik baithakon aur kriyaakalaapon ki anumati naheen di gayi hai. Bhaarateeya uchchaayog ne kaha ki poorv raashtrapati se milne ke liye jyaada jaroorat ke aadhaar par keval seemit logon ko anumati di gayi hai. Maaladeev ke raashtrapati mohammad vaheed ke kaaryaalaya ke anusaar, uchchaayog parisar mein ek bhagode ko sharan dene ke virodh mein uchchaayukt ke liye virodh patra jaari kiya gaya kyonki nasheed vahaan se sadkon par hinsa bhadka rahe hain aur ashaanti faila rahe hain. Sthaaneeya media mein I khabaron mein kaha gaya ki yah pehli baar hai jab maaladeev ke videsh mantraalaya dvaara uchchaayukt ko bulaaya gaya hai. Pichhle saal January mein aaparaadhik nyaayaalaya ke mukhya nyaayaadheesh ko hiraasat mein lene se jude ek maamale mein adaalat dvaara jaari giraftaari warrant se bachane ke liye maaladeeviyn democratic party ke neta 45 varsheeya nasheed ne 13 February ko bhaarateeya uchchaayog mein sharan li thi. Is beech, aadhikaarik sootron ne kaha ki Bhaarat aur maaladeev ke videsh mantriyon ke beech telephone par kai daur ki vaarta aur anya tarah ke prayaason ke baavajood is gatirodh ka hal nikalne ke koi aasaar najar naheen aa rahe hain. Ek anya ghatnaakram mein, chunaav aayog ke adhyaksh fuad taufeek ne kaha ki yah dekhna bahut chinta ki baat hai ki sabse badi party ka raashtrapati pad ka ummeedavaar ek uchchaayog mein sharan liye hue hai. Taufeek ne kaha ki nasheed poorv raashtrapati hain aur unhein kaanoon ke anusaar ek poorv raashtrapati ko milne vaale visheshaadhikaar haasil hone chaahiye. Unhonne jor dekar kaha ki unki nishpaksh sunavaai honi chaahiye aur yah raajaneetik roop se prerit naheen honi chaahiye. Taufeek ne kaha ki pehli baat, nasheed poorv raashtrapati hain. Doosari baat, vah ek raajaneetik dal ke raashtrapati pad ke ummeedavaar hain. Teesari baat, vah desh ke sabse bade raajaneetik dal ka pratinidhitv karte hain. In teenon baaton mein kaafi vajan hai.

Maaladeev Ki Adaalat Ne Nasheed Ko Pesh Karne Ka Aadesh Diya https://www.angrejinews.com/pic/2218