Maaintra Mein Hissedaari Khareedegi Flipkaart

Business »

Maaintra Mein Hissedaari Khareedegi Flipkaart

aaj ghoshana hone ki sambhaavana PTI, nai Delhi electronic tareeke se khudara saamaan bechne waali flipkaart online fashion retail company maaintra mein bahulaansh hissedaari khareed sakti hai. Isse Bhaarat ke E-vaanijya kshetr mein majabooti aane ki ummeed hai. Sootron ke anusaar yeh sauda 2,000 karod rupaye ka ho sakta hai. Aankade ka satyaapan svatantr rup se naheen ho saka hai. Saude ke baare mein aaj ghoshana ho sakti hai. Maaintra ne beingalooru mein samvaadadaata sammelan ke liye media ko nimantran bheja hai. Ismein 'Rananeetik gatividhiyon' ki ghoshana ki baat kahi gayi hai lekin vistrut byora naheen diya gaya hai. Pichhle kuchh maheene se hissedaari khareedne ke liye kaam ho raha hai. Is baare mein poochhe jaane par flipkaart ke ek pravakta ne kaha, 'Ham baajaar atkalon par is samay tippani naheen kar sakte. ' udyog ke anumaan ke anusaar E-vaanijya ka baajaar filhaal 3 arab dollar ka hai. Snaipadeel, ibe tatha aamejan jaisi companiyaan ismein kaam kar rahi hain. Flipkaart ke ek pravakta ne is prakaar ki khabar ki pushti ke baare mein kaha, 'Ham baajaar ki atkalon par pratikriya naheen karte. '

Maaintra Mein Hissedaari Khareedegi Flipkaart https://www.angrejinews.com/pic/51326