Maaikromaiks Ke Khilaaf Eriksan Ki Peteint Vaur

Business »

Maaikromaiks Ke Khilaaf Eriksan Ki Peteint Vaur

Soma das/joji Thomas Phillip nai Delhi. . Duniya ki sabse badi mobile network infrastructure company eriksan ne peteint ullanghan maamale mein Bhaarat ki haindaset company maaikromaiks ke khilaaf mukadama kiya hai. Ise Bhaarat mein teknaulauji peteint ki badi adaalati ladaai ki shuruaat maana ja raha hai. Sveedan ki network ikvipmeint company ne Delhi High Court mein is baare mein yaachika daayar ki hai. Usane maaikromaiks se 100 karod rupae ke harjaane ki maang ki hai. Eriksan ne kaha ki teen saal tak maaikromaiks se baat karne ke baad vah leegal aikshan ke liye majaboor hui hai. Yah baatcheet standard-iseinshal peteints par laaiseinsing aigrimeint ke liye ho rahi thi. Bhaarat mein IT aur telikaum sector mein peteint ullanghan ke maamale mein kabhi itni badi rakam ka daava naheen kiya gaya tha. Eriksan ka aarop hai ki maaikromaiks ne GSM, ej aur 3ji jaisi wireless teknaulaji ke liye uske peteinted inoveshan par laaiseinsing aigrimeint se mana kar diya hai. Delhi haai court ke Justice Manmohan ne pichhle hafte antarim aadesh mein maaikromaiks se vivaadaaspad divaaisej ki sales price ka 1.25-2 feesadi adaalat ke paas jama karaane ke liye kaha tha. Court ne eriksan ke egjikyootivs ko custom adhikaariyon ke saath milkar maaikromaiks ke peteint ullanghan ki jaanch ki bhi ijaajat di hai. Ve bhaarateeya haindaset company ki kansaainameint ki jaanch kareinge. Is baare mein eriksan ki vakeel pratibha Singh ne bataaya, 'Ise Bhaarat mein bade peteint ki adaalati ladaai ki shuruaat maana ja sakta hai. ' maaikromaiks ke kareebi egjekyutivs ne eriksan ke aaropon ko khaarij kar diya. Unka kehna hai ki sveedan ki company sahi tarms par use apne industry-iseinshal peteint naheen day paai. Bhaarat mein har saal 20 karod haindaset bikte hain. Ismein maaikromaiks ki hissedaari 5.5 feesadi hai. Unhonne yah bhi bataaya ki sirf maaikromaiks ke khilaaf is tarah ka maamala daayar naheen huaa hai. Eriksan ne haal hi mein south Korea ki company saimasang ke khilaaf bhi aisa hi maamala daayar kiya tha. Maaikromaiks ke kareebi egjekyutivs ne daava kiya ki soni ke saath jauint veinchar se hatne ke baad eriksan haindaset segameint se baahar ho gayi hai aur ab vah ataarkik aur betuki laaiseinsing fees ke bahaane paisa ainthane ki koshish kar rahi hai

Maaikromaiks Ke Khilaaf Eriksan Ki Peteint Vaur https://www.angrejinews.com/pic/3102