Maadhuri Dixit Ne Kutte Ke Saat Bachchon Ko Bachaaya

Breaking »

Maadhuri Dixit Ne Kutte Ke Saat Bachchon Ko Bachaaya

Mumbai: Jeevan ke liye joojh rahe kutte ke saat bachchon ko bachaane ke liye Bollywood ki jaani-maani abhinetri maadhuri Dixit ne TV ke mashahoor sho 'Jhalak dikhla ja' ke chhathe sanskaran ki shooting beech mein hi rok di. Pati shreeraam nene ke saath ravivaar ko filmistaan studio mein apne sho ki shooting mein vyast maadhuri ne jab pichhli raat hui baarish mein bheege saat nanhe kutton ko dekha to unhonne apni shooting ko beech mein hi rok diya. Unhonne nene tatha sho ke nirdeshak saahil chhaabadiya ke saath turant peta ko sahaayata ke liye sampark kiya. Ek vaktavya ke anusaar, maadhuri tab tak un nanhe kutton ke paas raheen jab tak ki peta se sahaayata naheen pahunch gayi. Peta ke Bhaarat mein adhikaari sachin beingara ne kaha, yahaan bahut moosalaadhaar baarish ho rahi hai aur kutte tatha billi ke anek bachchon ko ab ek achhe aashray sthal ki jaroorat hai. Maadhuri, nene aur chhaabadiya dvaara kiye gaye nek kaam se anek logon ko mushkil mein fanse jeevon ki sahaayata karne ki prerana milegi.

Maadhuri Dixit Ne Kutte Ke Saat Bachchon Ko Bachaaya https://www.angrejinews.com/pic/11903