Luis Haimiltan Ne Jeeti British Graan Pre

Breaking » Sunday, July 6, 2014

Silvaraston (Britain): luis haimiltan ne lagbhag ek lakh 20 hajaar ghareloo darshakon ke saamane aaj yahaan british graan pre formula van race jeetkar vishv championship jeetne ki apni ummeedon ko fir se jeevant kar diya. Britain ke is 29 varsheeya driver ne marseedeej ke apne saathi niko rosabarg ke satr mein pehli baar race poori naheen kar paane ka poora faayda uthaaya. Isse khitaab ki daud mein vah is jarman se ab keval chaar ank peechhe rah gaye hain. Haimiltan ne doosare sthaan par rahe Williams ke Finland ke driver vaalateri botaas se 30 sekeint pehle race poori ki. Botaas ne grid mein 14vein sthaan se shuruaat ki thi. haimiltan ki british graan pre mein yeh doosari, satr ki paanchaveen aur career ki 27veen jeet hai. Is tarah se unhonne Britain ke teen baar ke champion jaiki steevart ke record ki baraabari ki. red bul ke Australiaee Daniel rikaardo teesare, Britain ke 2009 ke champion aur Maclaren ke driver jenasan batan chauthe, chaar baar ke maujooda champion Germany ke redabul ke driver sebestiyn vetel paanchavein aur feraari ke Spanish driver farnaando alonso chhathe sthaan par rahe. alonso ki team ke saathi kimi rekeenan shuruaati laip mein hi durghatana mein shaamil rahe, jiske kaaran race ek ghante ke liye rokani padi. Finland ka yeh driver apna santulan kho baitha aur bairiyr ke alaava Williams ke braajeeli driver felip maasa ki car se takara gaya. Maclaren marseedeej ke kevan maigunasan saatavein, fors India ke niko halkenabarg aathavein, toro roso ke denil kayaat nauvein aur unke saathi jeen eri vargen dasvein sthaan par rahe. Fors India ke doosare driver sarjiyo perej ko 11vein sthaan se santosh karna pada.