Lucknow Mein Road Sho Se Pehle Twitter Par Priyanka Gandhi Ki Entry

Breaking »

Lucknow Mein Road Sho Se Pehle Twitter Par Priyanka Gandhi Ki Entry

Nai Delhi Congress mahaasachiv ka pad sambhaalne ke baad ab Priyanka Gandhi vaadra twitter par bhi aa gayi hain. Priyanka ke twitter par aane ki soochana Congress ke account se jaari ki gayi. Priyanka somvaar ko bhaai Rahul Gandhi aur jyotiraaditya sindhiya ke saath pad sambhaalne ke baad pehli baar UP mein road sho bhi kar rahi hain. Twitter par ek bhi tweet kiye bina hi unka account verifaaid hai aur unke fauloars bhi kuchh hi minute mein 2 hajaar ho gaye. Priykaan ab tak sakriya raajaneeti aur social media se door theen. Haalaanki, mahaasachiv ke saath kuchh din pehle hi unhein poorvi UP ka prabhaari bhi banaaya gaya hai. Ab raajaneeti mein is entry ke saath social media par bhi unki entry go gayi hai. Pichhle kuchh vakt mein twitter par Rahul Gandhi ki sakriyta kaafi badhi hai aur maana ja raha hai ki Priyanka bhi twitter par Modi sarkaar ki mukharata se aalochna kareingi. UP ke Lucknow mein road sho ke saath Priyanka kaaryakartaaon se bhi mileingi. Agale ek maheene tak vah pradesh ke alag-alag hisson ka daura kar haalaat ka jaayaja leingi. Priyanka ki raajaneeti mein entry ke kaaran UP mein Congress kaaryakartaaon mein kaafi utsaah hai. Unke road sho ke liye bhi jamkar taiyaari ki gayi hai. Kai poster mein to unhein durga ka bhi roop dikhaaya gaya hai. Rahul Gandhi ko karti hain Priyanka follow Airport se Congress kaaryaalaya tak lagbhag 17 kilometer tak road sho kareingi. Priyanka ke road sho ko lekar kaangresiyon sahit Lucknow ke sthaaneeya logon mein kaafi utsaah hai. Lucknow ko postaron aur hording se paat diya gaya hai jismein Priyanka ka durga avataar dekhne ko mil raha hai. Vaheen road sho ke liye ek khaas bas ko bhi taiyaar kiya gaya hai jise Congress ke liye laki bataaya jaata hai.

Lucknow Mein Road Sho Se Pehle Twitter Par Priyanka Gandhi Ki Entry https://www.angrejinews.com/pic/254003