Love Story Mein Kaam Karne Ki Chaahat Rajiv Khandelwal

Movies » Tuesday, January 8, 2013

Mumbai: Abhineta Rajiv Khandelwal ne gair-paaramparik film 'Aamir' se Bollywood mein career ki shuruaat ki thi aur uske baad film 'Shaitaan' aur 'Soundtrack' mein abhinay kiya tha. Ab vah prem-kahaani par aadhaarit film mein kaam karna chaahate hain, basharte ki vah mahaj khaanaapoorti na hon. Television kaaryakram 'Kaheen to hoga' se charcha mein aae Rajiv ne kaha, main ek prem kahaani par aadhaarit film mein kaam karna chaahata hoon, lekin meri liye yeh ek aisi film hogi, jisse bhavishya mein prem par aadhaarit film ke liye log mera havaala dein. Main chaahata hoon ki yeh ek behatareen film ho. Unhonne kaha, afsos ki baat yeh hai ki mujhe milne vaale prastaav aise naheen hai. Isliye main intajaar kar raha hoon aur ummeed hai ki koi mere liye aisi kahaani likhega aur mujhe yeh film milegi. Iske alaava Rajiv apne kirdaar mein vividhta chaahate hain aur iske liye vah prayog se naheen kataraate.