Loksabha Ke Protem Speaker Honge Dr Virendra Kumar, BJP Ka Hain Dalit Chehara

Breaking »

Loksabha Ke Protem Speaker Honge Dr Virendra Kumar, BJP Ka Hain Dalit Chehara

Nai Delhi Teekamagadh se BJP saansad Dr. Virendra Kumar 17veen Loksabha ke protem speaker honge. Nae chune gaye saansadon ko vah sadan ki sadasyata ki shapath dilaaenge. Vah 7veen baar saansad chune gaye hain. Virendra Kumar khateek dalit samudaaya se aate hain aur lo profaail neta ke taur par unki pehchaan rahi hai. Madhya pradesh ke teekamagadh se saansad Virendra Kumar saagar jile ke rahane vaale hain. 4 baar vah saagar Loksabha seat se saansad chune gaye, jabki teen baar unhein teekamagadh se chunaavi samar mein safalta mili hai. PM Modi ke netrutv waali pehli sarkaar mein vah alpasankhyak mantraalaya evam mahila evam baal vikaas ministri mein raajyamantri the. Protem speaker ko Loksabha ke niyamit speaker ke chunaav se pehle kaamkaaj ko anjaam dene ke liye niyukt kiya jaata hai. Protem speaker sadan ke sabse senior sadasya ko banaaya jaata hai. Protem speaker hi sadan mein nae chunakar aae sadasyon ko shapath dilaate hain. Nae speaker ke chunaav ke baad protem speaker ka kaam samaapt ho jaata hai. Bachapan se hi RSS se jude Dr. Virendra Kumar ko saagar aur teekamagadh kshetr mein saadagi ke liye jaana jaata hai. Kai baar vah aane-jaane ke liye lift lete hue bhi dikhaai diye hain.

Loksabha Ke Protem Speaker Honge Dr Virendra Kumar, BJP Ka Hain Dalit Chehara https://www.angrejinews.com/pic/280512