Loksabha Chunaav Mein Karaari Haar Ke Baad Congress Sansadeeya Dal Ki Aaj Pehli Baithak

Breaking »

Loksabha Chunaav Mein Karaari Haar Ke Baad Congress Sansadeeya Dal Ki Aaj Pehli Baithak

Congress pramukh soniya Gandhi aur upaadhyaksh Rahul Gandhi ki file tasveer Congress pramukh soniya Gandhi aur upaadhyaksh Rahul Gandhi ki file tasveer Nai Delhi: Loksabha chunaav mein mili karaari haar ke baad Congress ne aaj shaam apne sansadeeya dal ki pehli baithak bulaai hai. Party sootron ki maanein to ummeed jataai ja rahi hai ki soniya Gandhi ko fir Congress sansadeeya dal ki adhyaksh chune jaane ki sambhaavana hai. haal mein hue Loksabha chunaav mein Congress sirf 44 seatein hi jeet pai. Soniya sansad ke donon sadanon Loksabha aur Rajyasabha mein aise samay mein party neta manoneet kareingi, jab is baat ko lekar abhi bhi savaal bana hua hai ki kya party ko Loksabha mein vipaksh ke neta ka pad milega ya naheen, kyonki party ke paas nichle sadan mein sadasyon ki sankhya 55 hone ka anivaarya aankada naheen hai. yadyapi Kamalnath ka naam Loksabha mein party ke neta ke liye charcha mein hai, lekin party ke ek mahaasachiv ne is baat par jor diya hai ki sirf soniya aur Rahul ke naam par hi sarvasammati sambhav hai. Congress sansadeeya dal ki aaj hone waali is baithak se pehle somvaar ko party ki kaaryasamiti ki baithak hui thi, jismein soniya aur Rahul ne apne pad se isteefa dene ki peshakash ki thi, jise party ne sarvasammati se thukara diya tha.

Loksabha Chunaav Mein Karaari Haar Ke Baad Congress Sansadeeya Dal Ki Aaj Pehli Baithak https://www.angrejinews.com/pic/51585