Loksabha Chunaav Jeetne Ko Raajyon Mein Haari BJP

Breaking »

Loksabha Chunaav Jeetne Ko Raajyon Mein Haari BJP

Nai Delhi . . BJP adhyaksh Rajnath Singh ne Karnataka mein hui party ki haar ki dilchasp safaai di hai. Unhonne jo kaha, usaka matlab niklata hai ki BJP Loksabha mein jeetne ke liye raajyon mein haar rahi hai. Karnataka sahit teen raajyon ke haal hi mein hue vidhaanasabha chunaavon mein party ke kharaab pradarshan ke baare mein poochhane par Singh ne kaha, 'BJP ki safalta ka samay ab aa gaya hai. Prateeksha karein. 2014 mein BJP ke netrutv waali NDA sarkaar banegi. Jab kabhi lambi chhalaang lagaani hoti hai to chaar kadam peechhe hatna padta hai. ' bhrashtaachaar sahit har morche par UPA sarkaar ke vifal rahane ka aarop lagaate hue BJP adhyaksh Rajnath Singh ne kaha ki pradhaanamantri Manmohan Singh yadi swayam imaandaari se aatmanireekshan karein to unke paas isteefe ke alaava aur koi vikalp naheen hai. Singh ne samvaadadaataaon se kaha, 'Aajaadi ke baad se shaayad yah pehli sarkaar hai, jis par itne gambhir aarop lage hain. Bhrashtaachaar ke kaaran sthiti bad se badatar ho gayi hai. Kolaget, relaget aur khelaget. Prashn sirf ek ya do mantriyon ka naheen hai, prashn yah hai ki pichhle kuchh din se jo chal raha hai, vah vyavastha par gambhir prashn uthaata hai. ' unhonne kaha, 'Pradhaanamantri aur soniya Gandhi javaab dein ki kya lokatantr mein lokalaaj ka koi mahatva naheen hai? Raajaneeti mein moolyon ki koi jagah naheen hai. Pradhaanamantri aatmanireekshan karein ki kya karna chaahiye. Yadi pradhaanamantri ne imaandaari se aatmanireekshan kiya to isteefe ke alaava koi vikalp naheen hai. ' BJP adhyaksh ne kaha ki unki party 'Vauch daug' ki bhoomika nibha rahi hai. Unhonne kaha 'Ham apni ladaai sansad ke bheetar lad chuke hain aur ab sadak par jaane ke alaava aur koi vikalp naheen bacha hai. ' unhonne ailaan kiya ki 27 May se 2 June ke beech BJP desh bhar mein jail bharo aandolan karegi aur jagah-jagah panchaayatein kar janta ko UPA sarkaar ki kaaragujaariyon se avagat karaaegi. Rajnath Singh ne kaha ki ab is sarkaar ke paas ekamaatr vikalp yah hai ki ise jaana chaahiye. Chunaav ke alaava aur koi vikalp naheen hai. Sarkaar ki saakh aur vishvasaneeyata khatm ho chuki hai. Karnataka vidhaanasabha chunaav mein party ke atyant kharaab pradarshan ke baare mein poochhane par unhonne kaha ki keval BJP aisi party hai jo satta daanv par laga sakti hai lekin bhrashtaachaar katai bardaasht naheen kar sakti. Karnataka ke chunaav parinaamon ke baad ab BJP vahaan aur adhik mehnat karegi. Karnataka mein ham janta ke beech jaaenge aur usaka vishvaas haasil kareinge. Singh ne ummeed jataai ki janta samajhegi ki BJP usool ki raajaneeti karti hai. Ham raajaneeti keval sarkaar banaane ke liye naheen karte, sarkaar banaana bhi usaka hissa hai. Ek anya savaal ke javaab mein unhonne kaha ki janta se jude mahatvapoorn vidheyak masalan khaadya suraksha aur bhoomi adhigrahan jaise vidheyakon ko kuchh sanshodhanon sahit sansad ke agale satr mein paarit karaane mein BJP sahayog karegi, lekin sarkaar ko saavadhaani baratani hogi ki is beech koi aur maamala prakaash mein na aa jaae.

Loksabha Chunaav Jeetne Ko Raajyon Mein Haari BJP https://www.angrejinews.com/pic/8355